مقاطع شعريه من قصيد الشاعر شباب بن عالي الرشيدي

السلام عليكم ورحمة الله وبركاته
أحب أقدم لكم مقاطع شعريه من قصائد الشاعر شباب بن عالي الرشيدي أتمنى أن تنال أعجابكم :_

يا مقدم اللابه وثاني عيال العود الا

يا مقياس الحرايب كان دق الطبل حرابه

**********************************************

يتعب الوقت من عقله لبيب

خص لا عاش مع ناس جهلا

اتعبوني وانا رجال أديب

ويسهر الليل طلاب العلا

أن بدأ مطلبا قلنا نجيب

وأن بدأ مطلبي قالوا جلا

تطلع الشمس واحيان تغيب

صرت مثل مصوت بالخلا
****************************

يا قصيدي كان للشعر هيبه واحترام

أرغم عدايه تسمع لو العن جدها
***************************

كان للقيفان عند الناس عز وهيبه

ماعلي ومن حزامي يستهان بقافي

قافي اللي لا ندبته والخفوق يجيبه

بأذن ربي لا ندبته يعجب العرافي
*****************************

الا ياهجوسي وردني على هداج

وأذا قل جمه وردني بحر جده

اباصبر على الشده وابصبر على المنهاج

يالين الضعيف يبيح الناس في سده

ومن يطلب الاحراج عابله الاحراج

وعيبا على من لبس ثوبا ماهو قده
********************************

قالوا على وين قلت ادور الخيره

الله واعلم متى شباب يلقاها

يا ضيقة الصدر من يومك عرفتيني

انا تغيرت ولا اثبت ميقافي

انتي عرفتي من اشكالي ملاييني

به ناس قدمي وناس توقف خلافي

وانتي على كيف ما تبغين وديني

بس المهم احكميني حكم الانصافي

************************************************** ************************************

الشاعر :_ شباب عالي الرشيدي

ونعم با لشاعر شباب صح السانه
واشكرك اخوي فهد الحميدي على نقل هذه المقتطفات الرائعه
لك ارقى التحايا

حياك الله ابو ناصر وتسلم على المقتطفات الجميله

صح لسان الشاعر شباب عالي
وبيض الله وجهك ياخوي فهد على النقل الرئع
وتقبل فائق تحياتي

صح لسان الشاعر / شباب عالي ،

فهد الحميدي

سلمت يداك على النقل الرائع ،

تحياتي .

صح السااا ن شاعرنا سباب عالي ع هذه المقاطعات الذهبية من كنوز ابو بندر
اخووووي فهد الحميدي شكراً على ماتحفتنا فيه ولاتحرمنابماهو جديد
دمت بخير وتقبل مروووو ري
بن هديبان

ونعم با لشاعر شباب صح السانه
واشكرك اخوي فهد الحميدي على نقل هذه المقتطفات الرائعه
لك ارقى التحايا