موسوعه قصه وقصيده ...شعبياات

قـــصـــه وقـــصـــيـــدة الشيخ الي صار صبي


هذا واحد من ابناء شيوخ القبايل كان يحب وحده بس للاسف كان ابو الفتاة راااافض تماما ً يزوجه البنت...لأختلاف القبايل....كان اول يلتقي فيها عند العد(مورد الماء) ...لكن اهل الشاب رحلوا لمكان ثاني...
اللحين كيف بيلتقي فيها؟؟؟(كيف السبيل الى هواك دلني)
مالقى حل الا انه يرجع لربوع البنت ...وفعلا تنكر ولبس ملابس رثه وترك خيله وماله عند عجوز ودخل على الشيخ جديع بن قبلان شيخ قبيلة البنت وقال له قصيده يمدحه فيها... قاله الشيخ: على هالقصيده الزينه اطلب اللي تبي...
قال الشاب: ابي اشتغل عندك مقابل مبيتي واكلي!!!
عرض عليه الشيخ عدة اعمال والولد رفض....سأله الشيخ وش الشغل اللي تبيه؟
قال الولد:ابي اصير صبي عندك!!!(قهوجي)!!!!<--تخيلو من شيخ لصبي!!...
وافق الشيخ وبدأ الشاب بشغله
وكان اذا انتصف الليل يسحب نفسه من غير مايحس فيه الشيخ ويروح يقابل البنت....
ومرت ايااااام طويله على هالحال...
وماحد فطن له الا موضي زوجة الشيخ جديع وقالت : ترى الصبي لاحطيتو العشاء وقعد معكم مايتعشى!!واذا انتصف الليل سحب روحه وطلع!!ومن جاء عندنا وهو على هالحال!!!
تعجب الشيخ!!وقال بلاحظه وأشوف...
وبالفعل يوم حطو العشاء ماتعشى ولما انتصف الليل الشيخ مانام وشاف الشاب يطلع!!!
قام الشيخ ولحقه من غير مايحس فيه
وش شااااااف!!!!؟؟؟؟
يوم وصل الشاب طلعت له البنت وجلسو خلف الرواق والامير يراقبهم من بعيد و كل واحد جالس بعيد عن الثاني!!...وصارو يسولفون وكل واحد يشكي حاله ...قامت البنت وجابت له عشى ...تعشى الرجال وعين من الله خير...والامير مازال يتفرج! !
فقال لها الولد : ....انا من غلاك كنت شيخ وصرت صبي!!!
قالت :وشلون؟؟
وعلمها (ولاول مره)كيف تنكرودخل على الشيخ ومدحه و...و... عن السالفه كلها...!!
ويامحاسن الصدف كان الامير ماااازال يسمع ويتفرج....
طبعا البنت والولد مازالو بعيدين عن بعض...
كان بيد الشاب عصا مد طرفه للبنت وقال لها حطي ايدك على الطرف وانا على الطرف الثاني حتى احس انك قريبه!!....فرفضت البنت!!!
فقال لها: ان استمر حالنا كذا بموت!!
قالت: ان مت انا مالي حاجه بالدنيا من بعدك _ لكن مالك الا تروح لشيخنا وتعلمه بسالفتنا وهو اللي بيحلها لنا بالاحمرين(تقصد الدم او الذهب)
قال الشاب: خلاص انا بفاتحه بالموضوع الصبح والله يكتب اللي فيه خير....
كل هذا ومااازاااال الامير يسمع ويتفرج!!
لما صار حول الفجر توادعو ....
سبقه الامير ودخل على زوجته وعلمها باللي صار وقال : طلع الولد شيخ ويحب له بنت وانا جامعهم جامعهم يابالذهب والابالدم....
بهذه الاثناء دخل الشاب المجلس وماشاف الشيخ بفراشه ...اخذ الربابه...وقال:
يا راكب اللي تـودع البعـد قربي....اجذعية ٍ تدني بعــيد السرابـي
اليا ارتخت ذرعانها عـقب كربي....حمص وحلب أدنى منازل أقرابي
ياجديع بن قبلان خان الدهر بـي....خانـت لياليهـا مـع أيامــها بي
طيرالهوى ياستر موضى شهربي....يـم الثـريـا والكـواكـب رقابـي
يهوم بي ياجديع شرقن وغربـي....والله أعلـم يم الشــمال انتحـابي
وبأدق من سلك العنكبوت انحدربي...ليما على نقرة حضــوضا رمى بي
شوكٍ وعاقـول وحلفنا بـدر بي....تغطلست دنيـــاي والنور غــابي
مالي صديقن يفتهـم كود قلبـي....لا قلت له هـات الــتماثيل جـابي
(ول ياغـريـن ٍ بالمحبة كفربي ...لا هو بـذابحني ولا أشفـى صوابي)
ناح الحمام وجـر الألحان طربي....وطـوَّح غنـاه بعـاليات النـوابـي
وكظمـت بالأنياب مما استقربي....ليما غــطس في شفـتي راس نابي
جابوا طـبيب درابي وافتكر بي ...ولآ ظنـتي غير الشـــهادة لقـابي
خلص من ابياته وحط الربابه ونااااااام...وكان الامير وزوجته يسمعون...
قال الامير : الصبح فرجك وأنا جديع
ولما صار الصبح صحى الامير والشاب مازال نايم ...ماصحاه من نومه..وقام صلح القهوه بنفسه...وقال لأحد الموجودين قم صوّت لابو فلانه(ابو البنت)وجاء ابو البنت واجتمعو الرجال...
قال الامير: صحوّ فلان <--بيسويها له مفاجئه...
قام واحد بيصحه...
............. : يافلان قم يافلان قم !!!!
ماصحى الولد!! قام الشيخ يناظره!! وش لقى...؟؟؟!!!!
لقــــاه جــــثـــه هـــامده
وصدق يوم قال:
(( ولا ظـنتي غيـر الشــــــهادة لقــابي ))
الامير صفق بيديه وتذكر كلام البنت يوم هي تقول(ان مت انا مالي حاجه بالدنيا من بعدك)
قال الامير لواحد من صبيانه : رح لبيت الفلان(يقصد البنت)وقل لهم نبي الفاس وان سألوك ليه؟ قل صبينا توفى!!<---وكان قصده يخبرها باللي حصل
وفعلا راح الصبي وقال هالكلام...والبنت فهمت....
من هول الصدمه والفاجعه...جتهم تركض وتصرخ وتصيح وشرحت ثوبها....
طبعا كل اللي بالمجلس مايدرون وش السالفه....
يوم قربت البنت للمجلس قال الامير للرجال ابعدوا عن الجثه ...دخلت عليهم وهي تصيح وطاحت على جثة الشاب تبكي لين سكتت!!!!
جاء ابوها بيرفعها عنه لقاها مـــيـــته!!!!!
علمهم الامير بسالفتهم....وقال : لا هم ولا حنا قدرنا نجمعهن حيين ...لكن أدفنوهم في قبر واحد...

قصة الشيخ الفارس (جديع بن منديل) حين طلّق زوجته الشاعرة (مويضي الدهلاوية) حين تغزلت به شعراً ..!!!!
الشيخ الفارس جديع بن منديل بن هذال راعي الحصان , مشهور بغزواته الكثيرة وغاراته المتالية وكان يأخذ بالغزوة 7 شهور, وكان الشيخ جديع متزوج الشاعرة مويضي الدهلوية العجميه , وكانت هي تحبه وتتغزل به وتفتخر بكثر معاركة وإنتصاراته على الاعداء, وبإحدى غزواته وصلتها البشائر وهي بالرس أن زوجها القائد الفذ قد أنتصر بمغزاه
. فقالت هذه القصيدة تمدح زوجها وتتغزل به وتلمح بأبيات لطيفة بإشتياقها له حتى يكف من الغزو الكثير والمسرف. قالت :

ياراكب حيل ابروسه لجاجــــــــــه
ــــــــــــــــــــــــــــــــــ امظريات للمســـــــــــاري والادلاج
لا روحن بالدو كن إنزعاجــــــــــه
ــــــــــــــــــــــــــــــــــ سفنن حداها بالبحر بعض الامـواج
سفن البحر سود بروسه فجاجــــه
ــــــــــــــــــــــــــــــــــ وارقابهن زعاج من يبس الامــواج
تلفون شيخٍ نازلٍ بالعجاجــــــــــــه
ــــــــــــــــــــــــــــــــــ اجديع اللي للمجاويخ زعــــــــــاج
مودع على المطران كدراً عجاجه
ــــــــــــــــــــــــــــــــــ هجيجهم من بين أبانات وســــواج
خلا المريخي طايحٍ في مداجـــــــه
ــــــــــــــــــــــــــــــــــ والخيل بالجبلان راحن مـــــــــراج
سلم على اللي راح للحول ماجــــه
ــــــــــــــــــــــــــــــــــ وقله خويك ضايق الصدر واعـــلاج
وقل لابن وايل كان وده ايواجـــــه
ــــــــــــــــــــــــــــــــــ القيض فات وبارق الوسم زعـــاج
حطيت لك ريش النعامه أولاجـــــه
ــــــــــــــــــــــــــــــــــ والبطن لك يامدبس الخيل مسهـاج
امـي توصيني عن الانزلاجـــــــــه
ــــــــــــــــــــــــــــــــــ وقلبي اليا جاء طاري البدو ينفاج
أمي تقول أن التمني سماجـــــــــه
ــــــــــــــــــــــــــــــــــ وأقول أنا بعض التمني به أفــراج

وبعد ذلك رد الشيخ جديع بن هذال على قصيدة مويضي الدهلوية العجمية السابقة بقصيدة وطلقها لسبب أنها تغزلت به . وان قصيدها أصبح يحكي به كل الرجال وهذي هي القصيدة :
يا راكب حيل ٍ الى لجلجنـــــــي
ــــــــــــــــــــــــــــــــــ عوص لهن مع نازح البيد مرمـال
الى مشن مديدهن ما يونـــــــــي
ــــــــــــــــــــــــــــــــــ لكن حاديهن مع الدو خيـــــــــال
مدن من الانجاج حين انهلنـــــــي
ــــــــــــــــــــــــــــــــــ والظهر عند صخيف اللون مقيــــال
والعصر عند صويحبي بركنــــــي
ــــــــــــــــــــــــــــــــــ أبو ثمان كنهن در الاجهـــــــــــال
لاجيت موضي يامناي ومظنـــــي
ــــــــــــــــــــــــــــــــــ وصل سلامي لبنت ماضين الافعال
وقله تراها طالق الحبل منـــــــــي
ــــــــــــــــــــــــــــــــــ اللي قصيده يلعبه كل رجــــــــــال
نرى في البيت الاخير أن الشيخ جديع بن هذال طلقها على أمر لايستحق أن تجازي به كالطلاق ، ومن هنا يتبين للقاريء شخصية جديع القوية والعصبية في نفس الوقت ويتسرع في إتخاذ القرار, . فبعد هذه القصيدة ردت عليه مويضي الدهلاوية العجمية بقولها :

حي الجواب وحي منهو جوابـــــــــــه
ـــــــــــــــــــــــــــــــــ ياشيخ يا مكدي غثيثين الاجنـــــــاب
يا شيخ والله ما مشيت بمعابـــــــــــه
ـــــــــــــــــــــــــــــــــ ولا خايلت عيني على كل نصــــــــاب
وأن كان قولي فيك كلن حكابــــــــه
ـــــــــــــــــــــــــــــــــ عرضي نزيه ولا حكى فيه هـــــــزاب
ارجيك رجوى البادية للسحابــــــــــــه
ـــــــــــــــــــــــــــــــــ وجازيتني في كلمة ٍ مالها أسبــــاب
هذا النصيب وما بغى الرب جابــــــــه
ـــــــــــــــــــــــــــــــــ وان صك باب العبد عند الولي مية باب
ثم رجع الشيخ جديع بن هذال وتندم وأراد أن يردها زوجة له الا أنها رفضت ذلك وقالت :
جديع يومنه بغاني بغيتـــــــــــــه
ـــــــــــــــــــــــــــــــــ ما طمحوني عنه كثر العشاشيــق
واليوم يومنه رماني رميتـــــــــــه
ـــــــــــــــــــــــــــــــــ رمية وضيحيٍ رموه التفاقيـــــــــق
جديع أنا حرمت مسكان بيتــــــه
ـــــــــــــــــــــــــــــــــ الا مغيب الشمس يرجع لتشريــــق
ولا أن صوت الحي يوحيه ميتــــــه
ـــــــــــــــــــــــــــــــــ أو ينبلع سم الحيايا على الريـــــق
عسى يجيني شيخ يسمع بصيتــه
ـــــــــــــــــــــــــــــــــ سنافي يعطي من طوال السماحيق
وبعد طلاقها وبعد البيت الاخير خصوصا، سمع الشيخ مجلاد بن فوزان بها وبآخر بيت قالته في قصيدتها وتزوجها..

الشاعر جحيش بن مهاوش (من اهل قارا القريبة من سكاكا الجوف) قال قصيدته المرثية في عياله حيث دعا عليهم واستجاب الله دعوته ولم ينجبوا أولادا وقيل أنهم تزوجوا مرة ومرتين وثلاث من أجل أن يرزقهم الله ولكن أمر الله قد نفذ وانقطعت من ذلك الزمان ديارهم ....... (ولم ينجبوا أولادا) . والقصة وما فيها أنهم تنكروا لوالدهم حيث توفيت أمهم وهم صغار وقام بتربيتهم حتى كبروا
وكان لهم بمثابة الأم والأب يسهر الليالي على رعايتهم وراحتهم وفي النهار يذهب لجلب طعامهم............. الخ
وعندما كبروا تنكروا له وأصبح لا يريده أحد منهم مراعاة لخاطر زوجاتهم اللاتي تأففن من خدمته وصار كل واحد منهم يطرده من بيته فما كان من الوالد إلا أن سكن إحدى (الخربات)
حتى صار لا يقوى على النهوض أو السير وضعف بصره فذهب زاحفا يتوسل ويرتجي أبناءه
بأن يمكث عندهم حتى يقضي الله أمرة فلم يستجب له أحد منهم ......................

فقال فيهم الأبيات التالية :




قـــال الــــذي يــقــرا بـلـيــا مـكـاتـيـب
...................يالـلـي تـقـرون الـعـمـى مـــن عـمـاكـم

ياعيـالـي الـلــي تـشـرفـون المـراقـيـب
..................بتريـضـوا لــي واقـصـروا فــي خطـاكـم

خـذوا كـلام الـصـدق مــا بــه تكـاذيـب
..................مـثـل السـنـد مـضـمـون لـلــي وراكـــم

ياعيـال لا صرتـوا ضـيـوف ومعـازيـب
................تــرى الـكــلام الـزيــن مـلـحـة قـراكــم

وتـروا السبـابـة مــن كـبـار العـذاريـب
...............بوهــرج البـلايـس مــا يـطــول لـحـاكـم

المذهـب الطيـب فـهـو مـذهـب الطـيـب
..............والـمـذهـب الـخـايـب يــبــور نـسـاكــم

يـاعـيـال مـــا سـرحـتـكـم بالـلـواهـيـب
.............ياعـيـال مـــا عـمــر الـمـعـزب ولاكـــم

يـاعـيــال ماضـربـتـكـم بالـمـشـاعـيـب
............ولا سـمـعـوا الـجـيـران لـجــة بـكـاكــم

يـامــا تـولـيـت القـبـايـل تــقــل ذيــــب
............مـن خــوف لاينـقـص عليـكـم عشـاكـم

وياما شربت السمن من عرض ماجيب
.............يــفــز قـلـبــي يــــوم يـبـكــي حــداكــم

أحفـيـت رجليـنـي بـحـامـي اللـواهـيـب
............وخلـيـت لـحـم الـريـم يخـالـط عشـاكـم

ياعـيـال دوكــم لحيـتـي كـلـهـا شـيــب
...........هـــذا زمــــان قـعـودنــا فــــي ذراكــــم

قـمـت اتـوكـا فــوق عــوج المصالـيـب
.............قـصـرت خطـانـا يــوم طـالـت خطـاكـم

عطـونـي الـقـرضـة علـيـكـم مطـالـيـب
...........عطونـي القـرضـة جــزى مــن جـزاكـم

لابـــد يـــوم عـــاوي دونــــي الــذيــب
...........بالقبـر مــا افــرق طيبـكـم مــن رداكــم


مـانـي بفاضـحـكـم بـوســط الاجـانـيـب
...........باعـمـالـكـم يــــدرون كــــل اقـربــاكــم

لـوكــان تـــدرون الـــردى والمعـايـيـب
..........بصرتـوا مــع المخـلـوق مـثـل خويـاكـم

خوالـكـم بالـطـيـب تـــروي المغـالـيـب
............ولــو تتبـعـون الـجـد مـحــدن شـنـاكـم

وش علمـكـم يــا تـاركـيـن المـواجـيـب
...........حسـبـي عليـكـم هـالـردى ويــن جـاكـم

قصيـتـكـم واسـنــدت وادي سـلاحـيــب
............ولـقـيـت بالـصـبـخـا مـدافـيــق مــاكــم

ياعـيـال بعتـونـي (بصـفـر العـراقـيـب)
...........مـــا هـــي حقـيـقـة ســـود الله قـراكــم

يالله عسـى اعمـاركـم شمسـهـا تغـيـب
..........يـعـتـم قـمـركـم ثــــم تـظـلــم سـمـاكــم

يــا عـلـكـم فـــي حـامـيـات اللـواهـيـب
...........يالـلـي عـلــى الـوالــد خـبـيـث لـغـاكـم

شفت الجفـا والحيـف والغلـب والريـب
..........بـضـلـوعـكـم لابـــيـــض الله قـــراكـــم

عـسـى نسـاكـم مــا تحـمـل ولا تجـيـب
............ولا حـدن مـن البـزران يمـشـي وراكــم

اخـسـوا خسيـتـوا يــا كـبـار اللغابـيـب
............اهـبــوا هـبـيـتـوا يـقـطــع الله نـمـاكــم

ღ წبداية القصه عن وحده من اهل المنطقه الشماليه
كانت بدويه تسرح عند إبل اهلها وتقابل لها واحد دايما وتحبه ويحبها حب عفيف وكان يخطط على خطبتها بس العايق الوحيد ان واحد من عيال عمها محجرها وحالف ان قرنها الاشقر ما يلتوي الا على يمينه وذا اللي يحبها مهوب من جماعتها
وفي يوم من الايام يوم رجعت من البل لقت في جنب بيتهم ( بيت الشعر ) بيت جديد مبني سألت امها عن البيت من هو له قالت لها امها ان ذا بيتها هي وهباس ( اسم ولد عمها ) قالت لأمها انها تحب واحد وحالفه انها ما تزوج الا هو قالت امها هباس في بيت ابوه روحي واطلبيه يفك حجريكي وتعوذي منه يمكن يفك حباكي .

راحت له البنت ولقت عنده رجال ودخلت عليهم وقالت اني طالبتك بوجيه الرجال اللي عندك انك تتركني في سبيلي" ما ابيك "
ضحك وقال انا قايل ان ها القرن الاشقر والله ما يلتوي الا على ذراعي حيه والا ميته .

رجعت للبيت وجهزت السم وراحت به لأمها وقالت لها اللي صار معه وقالت انا حالفه انه ما ياخذني وانا اسلم عليكم وشربت السم .




مااااااااتتتتتتتتتت

هباس ولد عم البنت قبل ما يدفنونها طلع قرنها ولواه على يمينه وهي ميته ومن شدة الفقر ما كفنوها وادفنوها بملابسها


وقال يميني ووفيت به



أهلها ما لقوا احد يسرح عند ابلهم واستأجروا واحد من عيال جيرانهم يسرح عند البل وكان الولد صغير سن .


حبيبها صار يترددعلى ابلها ويلقى الولد سأل ولد وين البنت اللي كانت تسرح عند البل سأله الولد ليه تسال قال لاني مضيع لي ابل ويذكرون ان فيه بنت جتها الابل وطردها وابي أسألها عنها وين طردتها قال الولد البنت يقولون انها شربت سم وماتت
ما صدق قال في نفسه أكيد ان احد شافني معها وردوها لا تسرح وقالوا للولد إذا سأل عنها احد قل انها شربت سم وماتت قال احسن لي ارسل قصيده لواحد من ربعها اللي امون عليهم واسأله وش صار بالضبط قال يا ولد تعرف واحد اسمه منير قال الولد أعرفه قال انا بعطيك رساله وصها له واذا قراها وحصل البل بيرسها لي قال الولد هاتها

استلم منير الرساله الا هويقول فيها




يا منير ما جاكم عن الترف ذكار


صحيح وان صخيف الروح غادي


صحيح والا طنبلـة علـم قمـار


او جا عنه راع العلوم الوكـادي


وكنك ضربت الكبد نطحٍ بمسمار


من يوم قيل الموت للترف صادي


وانس على كبد كما حر مخطـار


شي جرا جاللبـلا مـن فـوادي


ودك لوالدنيا تصنـت للاشـوار


والموت ياتي لـه نذيـرٍ ينـادي






يوم قرا منير القصيده ما كان يدري عن اللي ارسل له من كان يحب بس قال اكيد ان اخر من مات اللي شربت السم وانه كان يقصدها ورد عليه يقول





صحيح ماهي طنبلـة علـم قمـار


وانا عنـه راع العلـوم الوكـادي


دنياك هذي ما تصنـت للاشـوا ر


تضرب على مشهات نفسه عنـادي


لوشاورتنا كان ما حق مـا صـار


نفدي بناسٍ عـن ظبـي الحمـادي


ياحيف ياعضودٍ كما وصف جمار


يودعهـن القبـر المهبـا سمـادي


ونهود حدر الجيب غضات الاثمار


والدود ياكـل مغتـرات الثنـادي


وشقرٍ ضفرهن طولهن خمسة اشبار


يعبا لهن غير الرشـوش الزبـادي


وياحيف ياهبـاس للتـرف قبـار


هبس قرونه عقب ما هـن بعـادي

[size="6"]اطراف القصه والقصيده:

1- ناصر بن ابراهيم العبدالكريم

2- حنيف بن سعيدان المطيري

ودارت القصه في مدينة حرمه بسدير.. كان حنيف بن سعيدان مقيما في حرمه وان كان كثير الاسفار والترحال

بأسباب الوضع المعيشي الصعب في ذلك الوقت...

وفي يوم من الايام ذهب حنيف الى زيارة صديقه بن عبدالكريم فوجد منه الترحيب وقدم له القهوه ,وجلسا يتجاذبان اطراف الحديث

حتى دخل عليهما بعض الضيوف وزاد الطلب على القهوه وحنيف..مازال يرتشف الفنجال تلو الاخر...

فأراد ناصر بن عبدالكريم ان يمازح حنيف ...وقائلا

خمسة عشر فنجال لحنيف صبيت....لو أن بطنـه قربـة قـد ملاهـا

فرد حنيف على الفور :

لا تحسب إني من دلالك تقهويت .... ماتقنع الشراب من كثر ماها

قال ابن عبدالكريم :

يا حنيف أنا في حمستي ماتدانيت = الدله الصغراء نكثر مناه

فرد حنيف :

وراك ماسويتها يوم سويت.... مثل العميم اللي يعدل سواها

أبن عقيل اللي يهلي لياجيت.... يضحك حجاجه وأن غلى مشتراها

فقال ابن عبدالكريم :

سبيتها يوم انت للضلع لزيت....وضيافتك ياحنيف هذا جزاها

ودلال ربعك يوم بالزين ماريت.... هم ربعنا قبلك طوال خطاها

حنيف:

مانيتي ذمة هل الجود والصيت.... الملعبه بين علينا سناها

ياموصي الحرمه على صكة البيت.... تقول ماهو فيه وأنتا وراها

فقال ابن عبدالكريم :

ياحنيف وبحرمتك وش سويت.... يوم المره اتعسرت في ضناها

علم الردا يظهر ولو به تتقيت.... علم وكاد ويشهدون اقصراها

فضج المجلس بالضحك على هذه المساجله الطريفه والجميله في نفس الوقت

وبقيا بن عبدالكريم وحنيف صديقين حميمين .. حتى توافيا رحمهما الله.
[/size]

بنتظار تفاعلكم

اتمنى من اي عضو لا يرد الا بقصه وقصيده اتمنى >>>يعني اللي ما عنده قصه لا يرد

شـاعـر 16 سنه حـل خـالـه ضـيـف عـنـد ابـووه ..

فـعـزّم ابـوه انـه يـذبـح تـيـس

.. فـ الـولـد مـا عـنـده الا ان يـقـول حـق ابـوه .. فـنـشـد :


يا بوي ذبح التيس للضيف منقود ../.. مادام خرفان المعـزب كثيـره


فـاضـطـر الأب ان يـنـزل عـنـد رغـبـة أبـنـه واسـتـحــى أن يـكـون ابـنـه أكـرم مــنـه,فـذبـح لـ ضـيـفـه خـروفـآ , وأعـطـاه جـمـلآ هــديــه
هـنـا الأب شـعـر أنـه فـعـل شــيـئـآ كـبـيـرآ , فـقـال لأبـنــه مـتـبـاهـيـآ بـمـا فـعـلـه إزاء خـالـه


يا ورع خالك زارنا والله عطاه ../.. عطاه حرٍ ما أحصــل بديله

لكـن الـغـلام الـنـادر أجـاب والـده فقال :-

كانك عطيته هرش موذيك برغاه ../.. خالي عطاك ام العيون الكحيله

وغـلـب الابـن أبـيــه بـالـكـرم والـفـصـاحـــه