قصيدة أبيض للشاعر نشمي زامل الرشيدي

قصيدة للشاعر// نشمي زامل الرشيدي

عديت مرقاب على الخد كشاف
يفوق طوله ناطحات السحابي
أبيض إلى مني ذبحته بالاوصاف
يزمي مع الحره سوات السرابي
عسى مصابيح السماء تحطه أهداف
ويصبح محله بس كومة ترابي
أرقبتبك يالرجم ماعندي اخلاف
وحضّرت ذاكرتي من اول شبابي
وتواردن قلبي هواجيس إرداف
تعاقبن بالقلب مثل الحرابي
وقتي يهددني بتفريق الأشفاف
واحترت مابين الخطا والصوابي
الوقت جافيني ولاعنده انصاف
عصيان شعب معلن الانقلابي
ياعاذلي هوّن ترا الطرف مزهاف
دمعه يسابق كلمتك بإنصبابي
ياالله ياللي تشرك النون بالكاف
بأمرن تريده خير ولا عذابي
إنك تساعدني على وقتي الجاف
وقتا جنابه مايصافي جنابي
يالمعتبر ترا الليالي بها اعجاف
سريعة الدورات والانتدابي
خلك حذر لاتوهقك كثر الاصناف
المال والأولاد والانتخابي
لو كنت تملك من ملايين الأولاف
بدون حق أرسل عليها الذهابي
لكان خلك مقتنع للردى عاف
وخلك على شرع الولي لاتهابي
لايحرفك عن دين الإله حراف
يحرمك من حلو الكرى والشرابي
وترا المصايب لاتنبه ولاتشاف
لين إنها تمسك مرقى العلابي
راحوا قريش مع الصحابة والاشراف
ولاباقيا غير السماء والهضابي

بيض الله وجهك وصح لسانك

صح لسانك وعلى شانك

صحت ابدانكم ومشكورين ع المرور

صح لسان شاعرها ولاهنتي على النقل.

صح لسان شاعرها وتسلم يد ناقلها

اختيار رائع...

يمك دروبي..