محاورة طارق والسيف القاطع

محاورة طارق والسيف القاطع

طارق
ياسلامي سلامن فيه كيت وكيت=كل واحد يدس العلم في كيته
الهواجيس جابتني على التوقيت=لايجينا مردن قبل توقيته
السيف القاطع
مرحبا كمبليت اومرحبا حييت =وكل واحد يشوف البيت حييته
كان طارق يقول انه كما العفريت= والله اني نويت اقرا عفاريته
طارق
لاتخفى بالاسمى وانت راعي صيت= مايضيع اسم صيته عند اخو صيته
آه ياشرهة العاشق عليك ارهيت = مرهين لين ضاع الوصف واغديته
السيف القاطع
انت قلي مع اهل العرف وش سويت=ياعسئ كل علمن زين سويته
اه ياشرهة العاشق بعد مريت= ضاق صدري من الهاجس وغنيته
طارق
لي مكانه وقدر اشوفها لاجيت = كل واحد يسولف زين لاجيته
انت لاسمك نوينا نعلن التصويت=يحذفك واحد مدلا بتصويته
السيف القاطع
مايفيد الكلام الشين والتنكيت =فيه شين بصدري فيك فضيته
كان ودك تخلط المر والحلتييت =الرفع الصوت واسم السيف سميته
طارق
خرب مشروعنا يالسيف وش سويت= خل سيفك على ماقيل في بيته
قوم صالح يفتون الحصا تفتيت = مستعد اقلب الوايت بعفريته
السيف القاطع
فيه مشروع ثاني فيه نفط اوزيت =البحر فوق موجه مختلط زيته
واليهودي يفكر بعد ما صليت= فيك والسيف يمه ليه سليته
طارق
ابو همزه همزك وضاع عنك الليت = رحت تبغا طريق الباب واغديته
والله اني زريت من العرب وابليت = كل ماجيت اجنب درب مريته
السيف القاطع
ابو همزه همزك اوجيتك اوسميت =اوضاع فكرك وبيتك كم سريته
الله انه يعافيكم بعد ما وحيت=فيه بيتن قبل ساعه تنسيته

صح السان الشاعرين
طارق /والسيف القاطع

طارق = السيف القاطع

محاوره من أجمل ماسمعت

يعطيك العافيه يا طارق علئ نقل المحاوره

محاوره من أجمل ماسمعت

مشكوووووور والله يعطيك الف عافيه