يآآآآ بدر الجحيش ......>

السلام عليكم ورحمة الله

إدارة وأعضاء هذا الصرح الشامخ..
غبت وعدت لكم بقصيده أعتز فيها كثير ..
وهي للأمانه قريبه من نفسي لأنها تضمنت بين
حروفها اسمآء نفتخر فيها ونجلها..
هي ليست جديده فقد تشرفت بإلقائها في حفل الشيخ بدر بن سويلم لمنظمين ملتقى المهامزه الأول بالقصيم ..
فأحببت إن تصافحكم هنا بهذا الصرح الشامخ
عسى أن تحوز على رضاكم .‏


[poem=font="simplified arabic,5,red,normal,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black""]‎‎‎‏

هب طاري للشجاعه و ذربين الفعول=في نهارن وافي الشعر غادله رهيش
قلت مالي والمواقيف قدامي تهول=في زمان بارد العين يبطي ما يعيش
من مهيمز لا هديبان لا سويلم زحول=والله أنه مال شعري عذر لا تقول ليش
الجبال اللي يذري ذراها ما تزول=والسيوف اللي معادينها راحو طشيش
والكرام اللي كرمهم على معنى وأصول=والزحول اللي لجوا معك كنه معك جيش
والعقول اللي من العلم مكسية بلول=والشيوخ اللي من العز ما تكسى بريش
قسمهم وافي ومثبت ولا يحتاج قول=قبل لا يبعث محمد وتكفر به قريش
واجد اللي من مواقيفهم يده تطول=واجد اللي من مواقيفهم قلبه غشيش
واقعن تبنيه وقفات وسيوف وخيول=واضح ما يحجبه راعي العظم الهشيش
والله إن الشعر في مدحهم ماهو ملول=لكن أقدم لك العذر يابدر الجحيش
شاعرن وقف لكلمه و رجال عجول=كلمته لا قالها عن هدفها ما تطيش‏

 ‏[/poem]

محمد بن مفلح بن مدعث

يستاهل المدح الشيخ بدر بن سويلم
وصح لسانك يابن مدعث انت شاعر جزل ولا تكتب الا شعر الجزل

قصيده رائعه


سلمت يداك


ويستاهل اي مهيميزي المدح والفخر

صح الله لسانك مليون ولايسدون

والنعم بالمادح والممدوح

لك ارق تحيه

صح اللسانك.... و يستاهل الممدوح

يعطيك العافية ومشكووور ياشاعرنا


تقبل مروري

ابن مدعث

صح لسانك على هذه الشامخة التي صاغها شاعر يحوز على رضا أهل الذوق الرفيع بما ينثر من إبداع ،
و النعم بالمادح و الممدوح ،

تحيتي لك .

ابن مدعث صح لسانك على هذه القصيده الجزله التي تحمل اسم عزيز على الجميع
الشيخ بدر بن سويلم بن هديبان والى الامام من ابداعاتك المميز