ليا بلاك الله بعاقه

السلام عليكم ورحمة الله وبركاته
أسعد الله أيامكم بكل خير
أيها الأحباء
للتواصل هذه المتواضعه والمعبرة عن ماتحتوي بطياتها تقبلوها كما هي
عسى ان تنال إعجابكم
بالصوت
7
7
[media]http://www.4shared.com/embed/828993505/50fce121[/media]

[poem=font="simplified arabic,6,black,bold,normal" bkcolor="transparent" bkimage="" border="outset,6,burlywood" type=2 line=0 align=center use=ex num="0,black""]
بديت بسم اللي بالأرزاق كفال=وأعوذ به من شر كل المخاليق
من بعد ذكره زان تعبير الأمثال=شاعر وأسلّي خاطري بالطواريق
بنات فكري جاوب(ن) صوت موال=إ يصفقّن لشرد الأفكار تصفيق
للفتل نقاضه وللعقد حلاّل=وللشعر نقّاده وللنص تعليق
أسند على الطيّب ليا حدك الجال=عون الرفيق بيوم ينشف به الريق
دايم وبيته للمشاكيل مدهال=يضحك حجاجه للوجيه المطاليق
من طيب ساسه ما تغيّر ولا زال=عن الطّمان بعاليات الشواهيق
وألاّ الردي من عادته كثر الأقوال=ما ينفعك لا احتجت له ساعة الضّيق
ليا بخصته ما يجي ربع مثقال=قطرة ندى فوق الغصون المواريق
على الردي من حالك الليل تفصال=وألاّ على الطيّب بياض الغرانيق
عساه ما يبقى بقايا للأنذال=وألليّ بقى ماله بدنياه توفيق
ليا بلاك الله بعاقه وبطاّل=أقرب قريب وخان فيك المواثيق
أبعد وتلقى بالسعه راحة البال=الله خلق فيها وساع المناتيق
بدّل رديّ الحظ في طيّب الفال=لا تشيل هم املفق الحكي تلفيق
لا تحمّل الشّرهه على غير رجاّل=ثوب الرّدى في مثل شرواه مايليق
للطيّبه بالسّوق قيمه ودلاّل=اعرف خراجك وافرق السّوم تفريق
أودّعك عن رفقة مجمّع المال =اللّي لغابيبه تقل جنب بطريق
أحذر تحطه ذخر في بعض الأحوال= تموت وأنت بسكرة الغبن ما تفيق
ما قل دل ويسمج الهرج لا طال=الصّمت تشفير القفول المغاليق
تمّت واصلّي كثر ما هل همّال=على نبيّ(ن) وثّق الحق توثيق[/poem]

وسلامتكم من كل شر

صح لسانكـ ياعايض على هذة القصيدة القليلة والنادرة من نوعها

ونشكركـ على شيلتها بصوتكـ العذب .

تقبل مروري لمتصفحكـ اخ عايض

اخوي عايض الرشيدي
صح لسانك ابيات جميله والاجمل صوتك العذب
تسلم يداك على الطرح الجزل من شاعر جزل
تقبل مروري ومت بالف خير وعافيه

صح السانك عايض وعتلا شانك قصيده مزجت بما الذهب
وكما عودتنا على الجزل دائما
لا تنسانا من الروايع النادره

صح لسانك عايض الرشيدي قصيده جزله مشكور

اقتباس:
المشاركة الأصلية كتبت بواسطة السيف الصامت
صح لسانكـ ياعايض على هذة القصيدة القليلة والنادرة من نوعها

ونشكركـ على شيلتها بصوتكـ العذب .

تقبل مروري لمتصفحكـ اخ عايض

ياهلا ومليون غلا
يالسيف الصامت
انرت متصفحي المتواضع بتواجدك هنا
صح بدنك من كل شر
بارك الله فيك على هذا الأطراء الرائع أيها الرائع
أشكرك جزيل الشكر على حضورك ويسعدني مرورك العطر
لا خلا ولا عدم
فائق الإحترام والتقدير
الله يحفظك ويرعاك

الشاعر /عايض الرشيدي
صح الله لسانك ولايسدون
قصيده جزله بها الشئ الكثير من الجمال والابداع
هذا لست مستغرب على شاعر بحجم الشاعر عايض
لك راق تحيه