يا كثر ما نفقد من الناس غالين

أعزائي منسوبي منتدى المهامزة وزوارة...
السلام عليكم ورحمة الله وبركاته
يشرفني أن أضع بين يديكم أحدث قصائدي... والتي أهديها لكم ولكل عزيز وأخص بالإهداء الأخ الأديب والروائي عادل زعل المهيمزي وأبارك له نجاح روايته العبسية (ركبان الموت) التي صنفت من أكثر الكتب مبيعاً...كما أتمنى له التوفيق والنجاح في روايته التاريخية الجديدة (حينما يبتسم القدر) التي دارت أحداثها وفصولها عن سيرة الملك عبدالعزيز وتاريخه بطريقة حديثة ونادرة...وقد نزلت في بعض الأسواق الخليجية هذا الأسبوع...

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياكثر ما نفقد من الناس غالين=أقفت بهم دنيا العناء بظرف ساعة
ناسٍ بهالدنيا وناسٍ مقفين=أبطأهم اللي ما تدارك وداعة
شخصٍ رحل عنها وشخصٍ لا هالحين=بين الظروف القاسية والقطاعة
لكن يا عادل لي خويٍ على الدين=ما لي من الصدة لردة مطاعة
لو حاجتي له:حاجة العين للعين=من منطلق خلق الفضاء وإتساعه!
اللي اليا اختلت كفوف الموازين=رْجَّحت به كفة حمياء وشجاعة
واليا ذكرت انه من الربع الادنين=عادلت به كفة فزوع الجماعة
اخذت لي من صدته سجت سنين=وش مزعله؟ وش سبة الإنقطاعة؟
وقعدت احسب ذنوب دنياي عامين=ما شفت منهن ما يكدر سماعه
من جمعتنا غربة اقدارنا لين=ودعته اللي ما يخون الوداعة
ما كدر الخاطر سوى بصدة البين=ولا جاه مني غير سمعٍ وطاعة
فطرت علاقتنا على المذهب الزين=ولا شفت ما يوجب تغير طباعه
مدري يا عادل طاع بي هرج واشين؟=وألا هبوب الحظ خانت شراعه؟!
[/poem]

الشاعر/يوسف بن شلاح


صح السانك وعلا شانك

كليمات فخر وعز بيض الله وجهك

بنتظار جديدك

لك أجمل التحايا

الشاعر :يوسف بن شلاح غني عن التعريف وشاهد ذلكــ هاذه القصيده القصيره في حروفها واسطرها ..,!ولكن طويله في معانيها مبدعه للغايه معبره في قوافيها التي تطلب الوصال كما انا فاهم وتسائل عن شخص" مــا ..ش :يوسف لك مني جزيل الشكر ع هاذه القصيده الجزله بكل نواحيها واركانها ..,صصــح السانكـ وعلا شانكـ دمت ولاهنت دام حظوركــ
..
اخــذت لــي مــن صـدتـه سـجـت سـنـيـن =وش مـزعـلـه؟ وش سـبــة الإنـقـطـاعـة؟

وقـعـدت احـسـب ذنــوب دنـيـاي عامـيـن =مـــا شـفــت مـنـهـن مـــا يـكــدر سـمـاعـه

اتمنى ان لايحصل بينك وبين اللي ع بالك اي اي زعل ..,او اي انقطاعه ..,ونسئل الله لمت اشمل بيننا وبين احبابنا والمسلمين اجمعين يارب ..,أكـــــــــــرهكـ يازعل ..,وكرهكــ يالانقطــاعه..,

الله لايكتب لك في سجلكــ الذنب يارب ويرحم جميع المسلمين ..,

ونشالله كل ماتقوله يرضي الله والخلق ..

لكــ ارق وعذب واجمل التحـــايا من اخوك

خالص تحياته وتقديره واحترامه

موقف صعب حينما تفقد شخص فجاءه وبلا سابق انذار ،،
والاصعب ان لايكون لذالك الفقد مبرر ....!


قصيدهـ تحمل الكثير بداخلها ،،
معاني مميزه وكلمات جزله ووصوف رائعهــ بالفعل ،،

صح لسانك مليون اخوي يوسف ،،
دمت لغاليك وبااحسن حال يارب،،

يابو شلاح صح لسانك قصيده وافيه

ولاكن بوصيك وانا اخوك رابح صقر نزل له قصايد اسمعها والله تنساه وتغني وتقول تــــــــنــــتــــيـــــن


يقول :ابوصقر

مصير الي يزعل مغير سبه **مصيره يرجع بليا سبايب

يوسف سالم

صح لسانك و طاب وجدانك على هذه القصيدة الجميلة و الله يبعد القطاعة عن الأحباب .



تحياتي .

صح السانك ابوسالم والنعم بالراوي عادل زعل المهيمزي