ياوليفي....ابداع ابن جدلان

ياوليفي

ياوليفي دمعكم في غيابي ردّ لي = وأدري انّ دمعتك خوفٍ عليّ ومن غلاي

أنت ممرضني وأشوف المرض فيكم وفيّ = الهبوب البارده منّك هبّت في حشاي

والله انّ كبدي عليكم عراويها أضميّ = والمشارب غير هرجتك ماتقطع ضماي

كيف تستغرب بطاي ومجييّ يوم أجيّ = منك اجيك أبدون رأيٍ وأروح ابدون رأي

ليلي أسهر به والا جاء النهار أشلى شوّي = مرتٍ أشلى ومرٍ يعاودني بلاي

وأنت سبّة كلّ شي ولا داويت شيّ = كيف ياقادر على داي ماتقدر دواي

بعد ما شتتوّ الفكر وأخليتو يديّ = كثرت أعلوم الشماميت وأفرحتو عداي

مابعد جاني من يوم التقو بي والديّ = ولابعد مرّ المحبين منّ حوّاء وجاي

لوّ خبر به حيّ يبكي على فقدان حيّ = كان يمدي من عرفني يشاركني عزاي

جعل يسقى يوم كان الهوى ماغير غيّ = فأول الرحله مثل مبتداك ومبتداي

مما راق لي .....احد ابداعات الشاعر/ سعد بن جدلان الاكلبي

دمت بالف خير

عااااااااااااازف

مشكوووووور والله يعطيك الف عافيه

صح السان الشاعر ابن جدلان
ويعطيك العافيه على الاختياار الراائع
دمت ودام عطاؤك
تقديري

صح السان شاعرها
واشكرك اخي ع النقل

فالح فيحان
ريتاج
فهد بركه

اسعدكم ربي بكل خير.... مرور زاد جمال موضوعي ...لا خلا ولا عدم من تواجدك الدائم والداعم لكل موضوع

دمتم بالف خير

عاااااااااازف

صح السان الشاعر سعد بن جدلان

ويعطيك الف عافيه عازف المشاعر على هذ الاختيار الجميل

ازكى تحيه

صح لسانك يابن جدلان ومشكور اخوي على النشر.................