ياشاعر الجيلين وشلـون الاحـوال....

الشاعر سويلم الرشيدي والشاعر نجر بن فيصل العصيمي

قصيدة سويلم :
*ــــــــ*

ياشاعرالجيلين وشلـون الاحـوال=قللي وخبرني عسا القلب مبسـوط
هوتاب قلبك عن ملاحضة الازوال=والاعلى مافاتلك كـرت مخطـوط
سألتك بمن سـواك ياطيـب الفـال=جاوب سوالي واترك الكذب مقطوط
عد الصراحه خابرك بين الابطـال=فايز وقبلك من هوى البيض ملعوط
ياهل ترا دينت عن لابـس الشـال=والا تقد ملـه مـن الورد والنـوط
وختامها منـي بالـلاف واجــلال=وقلبك مع الخفرات اله عام ملقوط
لكن ياويلك يوم تقسيـم الاعمـال=لاشفت قلبـك داخـل النار مربـوط

رد نجر :

*ــــــــ*

جاني بيوت ٍمـن بعيـدات الاميـال=من شاعر ٍماهو من الشيب مشموط
تـوه شبـاب و ناشـي ٍبالتبهـلال=يضحك ويضحكني وعاقل ومضبـوط
يبايسالنـي بحـلـوات الامـثـال=و يسأل عن احوالي وانا ضارب ٍشوط
سبـت ثــلاث ٍصوبـنـي ولازال=صوابهن في داخـل القلـب مغطـوط
والثالثه منهـن لهـا القلـب ميـال=ام اشقر ٍمن غالي الريـح ممشـوط
و من لايحب البيض ماهوب رجـال=حب ٍعلى وضح النقا شرط مشـروط
ماهـوب تقليـد ٍولاهـو تخـيـال=مثل العسل صاف ٍولا هوب مخلـوط
ما هوب حب مـزود البطـن مكيـال=حب ٍمحبة كرش والقلـب مفـروط
هذاك ياسويلم نحطـه علـى البـال=نعطيه دين وراعي الديـن مزنـوط
و تسئل واناخابرك فـارس و خيـال=من حبهن كنك على الكبد مشلـوط
و ياللي شربت من الهوى ربع فنجال=انا شربت من الهوى عـدة شطـوط
وذقت الحلا والمر يـاذرب الافعـال=و جنبت مـع درب ٍامهـد ومبلـوط
و تجنـد وللحـب شيبـان وعيـال=احد ٍنجا واحد ٍمـع الحـب خربـوط
اليـوم كلـه نـوم والليـل جـوال=يجمع رقوم عنـده السـر مبطـوط
وزنه ثقيـل وزايـد الـوزن بهبـال=لا واخسارة حـب ابو عنـق ممعـوط
والحر الـه عند الرياجيـل مـنـزال=ما هوب حنديـه ولا فـرخ شبـوط
وقاف ٍعلى الطابين طلعه ومحـوال=ما ينتجنب عنـه والقـاف مشحـوط

اتمنى ان تنووول اعجابكم..

و من لايحب البيض ماهوب رجـال=حب ٍعلى وضح النقا شرط مشـروط


صح السان الشاعرين

وشكرك دانة على نقلك وذوقك الرائع

قصيدتان من شاعرين مميزين
اشكرك دانه على حسن الانتقاء..

لكن لي تعقيب ....
الشاعر سويلم الرشيدي وشاعرنا نجر بن فيصل العصيمي

مو المفروض انه يكون الشاعر فيصل وشاعرنا سويلم ـ؟؟
ولا مشكله من النقل ؟؟

دمتي بحفظ الله .

و من لايحب البيض ماهوب رجـال=حب ٍعلى وضح النقا شرط مشـروط

البيض انواع ماذا يقصد الشاعر اي نوع يتكلم عنه

صح الله السنت الجميع

ولاننسى الانامل التي نقلت لنا هذه التحفه

دندونه

كوني بخيرا

شكرااا لكم ولمروركم الرااائع .............

اخوي سعد انا بحثت عن اشعار الشاعر الكبير نجر ولقيت هالقصيده له مع سويلم

اذا فيه شي ثاني انا ما ادري ؟؟؟؟؟وضح لنا ؟؟؟

هلا دانه لا طال عمررك بس يمكن فهمت خطأ .. ملاحظتي فقط حول ..
الشاعر سويلم الرشيدي وشاعرنا نجر بن فيصل العصيمي

يعني فقط اذا في خطأ فهو مطبعي ..او يمكن مقصوده للافضل ماادري

مثلا انا رشيدي .. اقول الشاعر فيصل العصيمي وشاعرنا سويلم الرشيدي

فقط هذه الملاحضه اذا لك تعقيب ولا هي مقصووده ؟؟

من لا يحب البيض ماهو برجال = حب ٍ على وضح النقا شرط مشروط

صح لسان الشاعرين ،

سلمت يمينك يا دانة على النقل الجميل ،

تقبلي مروري .