قصة عمري وأحزااااانه .............

قـــصـــة العمر والأحزان
ـــــــــــــــــــــــ

عمري بقايا جراح وآهات وأحزان
عمري سنين بائسة ما ارحمتني
عمري ألم غربة وجور الأزمان
عمري سراب والصحاري خذتني
عمري قضيته بين خائن وخوان
أخلصت حبي والقلوب اخدعتني
عشت بزمن كله خيانة وحقران
وحتى القلوب الطيبة ماانصفتني
وفيت انا للكل واصبحت غلطان
اعطي وهالدنيا ابد ماعطتني
كلي جروح وداخلي قلب ضميان
أشرب همومي والألم فوق متني
ماني على شيء ابد صرت ندمان
غير اني اوفي ودنيتي اتعبتني
ليه السؤال وعمري اليوم عنوان
عنوان لجروحي ودنيا ظلمتني
عمري فراق وهم وجروح إنسان
عمري سنين بالأسى عذبتني
عمري ظلام وحزن وجروح خلان
خلي ظلمني ودمعتي احرقتني
عمري سجين وضحكتي خلف قضبان
مظلوم في دنيا رديه أظلمتني
عمري زهرة بس للآسف صار ذبلان
وكل البحور بكبرها ما سكنتني
عمري عريس وبين هالناس خجلان
وعروسي دنياي بس ما اعشقتني
عمري بحر وقلبي معه دوم عطشان
أشرب بس اكفوف الزمن ما روتني
عمري تجارب وداخلي قلب ربحان
ونفس القلوب السود هي اخسرتني
يكفي شموخي وهيبتي قوة أيمان
وأموت عالي ودنيتي ما وطتني
عمري مع جرحي مثل الاخوان
أعشق جروحي دامها ما نستني
ياللي تسألني ترى الجرح ماصان
إلا جروحه وسط قلبي غزتني
وعيوني اللي دمعها فوق الاوجان
دموع من ظلم الحبايب كوتني
ماصرت أميز بين فلان وعلان
لكن جروحي بالبشر علمتني
هذا العمر عمري وما فيه نقصان
اصبحت مأسور ودنيتي دمرتني
خلاص برحل والسبب كثر الأحزان
وقلوب ناس ظالمة ما أرحمتني

وسلامتكم

مع تحياااااااااااااااااااات
[""-أسير~~~الشوق-""]
وشــكــراً

عمري بقايا جراح وآهات وأحزان
عمري سنين بائسة ما ارحمتني
عمري ألم غربة وجور الأزمان
عمري سراب والصحاري خذتني
عمري قضيته بين خائن وخوان
أخلصت حبي والقلوب اخدعتني


لا تعليق بعد هذة الخاطرة .

اشكرك على الحضور المتميز
يامتميز

اشكرك على الخاطرة
واتمنى لك التوفيق

صح لسان شاعرها ومشكور على النقل

هلاسيف وياعلي
هلا والله فيكم
واشكركم على المرور العطر
وشكراً

لا أتوقع نقل أنما من شعر
أسير الشوق وليس غريب
عليه وانا اخترت ابيات اعجابتني
أخترها قبلي السيف الصامت
وصح لسانك أسير الشوق
والقصيده فيه معاني تجلب
من قراه لاجواء غير والله
يعطيك الف عافيه وتقبل مروري
وياليت التوضيح نقل أما شعرك