وقفه مع الشاعر معيبد شعبان المهيمزي

[ALIGN=CENTER][TABLETEXT="width:70%;background-image:url('http://www.almohemzat-abs.com/upload//uploads/images/domain-aaa0bc5203.gif');"][CELL="filter:;"][ALIGN=center]
لقاءنا لهذا الاسبوع مع
الشاعروالمبدع الرائع الذي يسوق الكلمات والمعاني ويخرجها لنا سمفونيه موسيقيه لها وقعها الرائع والساحر على اسماعنا
الشاعر الذي تقيد بأصالة الشعر وحداثة العصر
إنه شاعر المنتدى


شاعرنا شارك بالعديد من المسابقات ومن ضمنها
[/ALIGN][ALIGN=center]
مسابقة موقع المهيمزات الشعريه الاولى
وقد حصل على المركز الاول








[/ALIGN][ALIGN=center]





شاعرنا له العديد من المساجلات مع عديد من الشعار
ومن ضمنها هذه المساجلات

[/ALIGN][ALIGN=center]

بدع / ابن مدعث

[poem=font="Simplified Arabic,6,black,bold,normal" bkcolor="transparent" bkimage="backgrounds/6.gif" border="groove,10,gray" type=0 line=0 align=center use=ex num="0,black""]
تغيب يا معيبد و لا للقصايد عذر=ان كان ما تسأل الصدة وش اسبابها ؟
صمت ٍ طويل استثار اللول جوف البحر=يا الله ترد الظنون تهز مشعابها
اللي تخم الحنايا من عصر لا عصر=ظنون يهتز امل كله على حسابها
برر لنا غيابك اللي له مكان و قدر=ترى الاصاحيب ما تسلى عن اصحابها
هذا برايي و اذا لك راي عطنا خبر=حتى تخير سحايبنا عن شعابها
لو اني ادري وش اللي يحتويه القدر=من طيب منبع و شمس ٍ تكسر حجابها
لكن غياب ٍ له اكثر من حوالي شهر=هذا دفع محبرة هجسي على كتابها
[/poem]

رد / معيبد الرشيدي

[poem=font="Simplified Arabic,6,black,bold,normal" bkcolor="transparent" bkimage="backgrounds/6.gif" border="groove,10,gray" type=0 line=0 align=center use=ex num="0,black""]
يا مرحبا بالجواب اللي يسر النظر=أبيات فيها العوارف تبدي اعجابها
كلمات شاعر ما جا في وزن بيته كسر=يبدع جداد القصايد و يتغنى بها
و ان غاص بحر القوافي جاب منه الدرر=و الطيبة طيبة من حظ من جابها
و انا قريت القصيدة شطر يتبع شطر=اخذت مدة و انا اقرا و اتسلى بها
و جاوبت قافه بقاف ٍ لي صخرته صخر=هذا جزا الوافيات لمن نصانا بها
يا محمد اصبر ترى احسن ما يكون الصبر=بكرة تزين العلوم و ينفتح بابها
ترى القضية ما زالت في بداية عمر=و ان ساعد الله بذكر الطيب يحكى بها
و اظن منته بجاهل في ظروف الدهر=عاشوا بها من فنوا و اليوم عشنا بها
و انا لو اغيب يا محمد تراي احضر=حنا لا جت حزة الميقاف جينا بها
[/poem]





بدوي فاااهم يخاطب فلاح :


وش لون امجدك وانت اللي موقفني = احرمتني من طموحاتي ولذاتي

الحين في المنتدى شوفك يخوفني=يكفي عن الهرج يابن عمي اسكاتي

والموقع اللي وجودي به يشرفني=حبه بقلبي يشابه حبي لذاتي

كن بخيرا

بدوي فاااهم

معيبد يتدخل لإصلاح ذات البين

[poem=font="simplified arabic,6,white,bold,normal" bkcolor="black" bkimage="" border="inset,10,gray" type=0 line=0 align=center use=ex num="0,black""]
ما كنت اظن بدوي فاهم يخالفني=بافكاري الراسخات و في قناعاتي
يا لين شفت العتب و الحفر و الدفني=و ممشى ً مع خطوط ما هن مستقيماتي
بعض الحركات باصحابي تعيفني=لو انها مزح ما فيها وناساتي
و ما دام اشوفه و هو بالعين شايفني=عندي ثقة تنتهي كل الخلافاتي
صاحبك لانصفك قل (عز الله انصفني)=ما هو تجازيه في (نشر الاشاعاتي)
صحيح انا بينكم ما الله مكلفني=لكن ما احب التوتر بالعلاقاتي
واحد مثل عيني اللي فوقها جفني=و واحد مثل عيني اللي تسبر أبياتي
[/poem]




و هنا بدوي فاااهم يرد على معيبد :


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ماودي أخالفك لكن يؤسفني = لاقلت أبنهي مع العالم زياراتي
ابن رهق له سنه وشوي كارفني = وانا امتبهذل بروحاتي وجاتي
كنه بـهل الموقع الشامخ مؤظفني= من شان غلطة قلم عكر مساراتي
لوترفع الصوت يامعيبد وتنكفني = ماينفع الصوت بعد الفوت لافاتي
واناعلى ظنك اللي قلت حتى أفني = وياشاعر المنتدى هاذي تحياتي
[/poem]

كن بخيرا

يأتي الرد مرة أخرى من معيبد ليوضح بعض النقاط :

[poem=font="simplified arabic,6,white,bold,normal" bkcolor="black" bkimage="" border="inset,10,skyblue" type=0 line=0 align=center use=ex num="0,black""]
ان كان جيتك بعلمي لا تصرفني=و انا ارغب الصلح لو قدمت شيكاتي
منته مضيـَّـف و انا محد ٍ مضيفني=هذا محل ٍ لنا ما فيه مناتي
و ابن رهق بالوفا و الطيب شرفني=و اظن من حضرته ما جاك زلاتي
انا اعرفه يا بدوي فاهم و يعرفني=و انته بعد فيك حسن الظن ما ماتي
لا يجرفك سيل غلطاتك و يجرفني=غلطة فطين العرب تحسب بعشراتي
و الناس تخطي و ابحلف لو تحلفني=ان الخطا وارد ٍ في كل الاوقاتي
و انا لو اشوف لي شي ٍ يحسفني=دمح الخطا عادة ٍ من ضمن عاداتي
ما هو لزوم الرياح تطاوع السفني=بس الاكيد ان للسفن اتجاهاتي
[/poem]



أيضاا اليكم هذه المساجله الراائعه بينه وبين
الشاعر سهل بن نافع

البدع / سهل نافع :

[poem=font="simplified arabic,6,black,bold,normal" bkcolor="transparent" bkimage="backgrounds/8.gif" border="groove,10,gray" type=2 line=0 align=center use=ex num="0,black""]
سلموا لي على معيبد و قولوا له=القصايد تبيض وجه راعيها
القوافي على الضلعان محمولة=ما تحب السهال و لا تدانيها
و شاهد الزور مردود ٍ على قوله=شاهده بالسواة اللي يسويها
يا معيبد يمين الكذب مغلولة=و هضبة الجول فوق اللي يدربيها
و الصراحة يا راع الصدق مجبولة=بيض الله وجيه ٍ بادلتنيها
اكتب الشعر يا معيبد على أصوله=معجب ٍ شاد ببيوت ٍ تسويها
[/poem]

الرد / معيبد الرشيدي :

[poem=font="simplified arabic,6,black,bold,normal" bkcolor="transparent" bkimage="backgrounds/8.gif" border="groove,10,gray" type=2 line=0 align=center use=ex num="0,black""]
مرحبا في سهل نافع و مرسوله=عد منشأ المخايل من مناشيها
شاعر ٍ بالشعر له صولة و جولة=و الجزيلات تشهد له قوافيها
كلمة أهل الوفاء و الطيب مقبولة=أعتبرها شهادة و افتخر فيها
و التماثيل منقوضة و مفتولة=عند رجل ٍ بخيص ٍ في معانيها
و الخطأ ما نشدنا عنه من هو له=و كلمة الزور ما نربع لحاكيها
الطمان نتعلا ما نجي حوله=حي قوم ٍ عزيزات ٍ مباديها
و التحية بطيب العود مرسولة=من هجوس ٍ تجاوب من يناديها
[/poem]



شاعرنا يعد من ابرز شعراء المحاوره
واليكم بعض من محاوراتشاعر المنتدى

حجاج المهيمزي

[poem=font="simplified arabic,6,black,bold,normal" bkcolor="transparent" bkimage="backgrounds/6.gif" border="inset,10,skyblue" type=0 line=0 align=center use=ex num="0,black""]
ابتدا الطاروق شوفوا لي من الشعار شاعر=شاعر ٍ ينقض بيوت الخصم لا منه فتلها
من يجيب علومه اللي للعرب حرك مشاعر=و الحمول صحيح ما يشيل الحمول الا جملها
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="backgrounds/6.gif" border="inset,10,skyblue" type=0 line=0 align=center use=ex num="0,black""]
نشتري و نبيع يا حجاج لو تغلى المساعر=أرصدتنا عالية و اهل الهلل تجمع هللها
واصلك نو ٍ برق برقه و صوت الرعد ذاعر=مير لا يبرك شعيل لحملة ٍ ما يحتملها
[/poem]

حجاج المهيمزي

[poem=font="simplified arabic,6,black,bold,normal" bkcolor="transparent" bkimage="backgrounds/6.gif" border="inset,10,skyblue" type=0 line=0 align=center use=ex num="0,black""]
تشتري و تبيع يا معيبد و لكن منت تاجر=ما نقول قصور مير الارصدة ما انت من اهلها
ما يفيد الرعد و البراق كان بدون ماطر=من رعود المزن الارض القفر ما ينبت سهلها
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="backgrounds/6.gif" border="inset,10,skyblue" type=0 line=0 align=center use=ex num="0,black""]
لا تحسبن التجارة بس كشخات و مظاهر=و العرب ماني بمحصي علمها و الا جهلها
المطر يمطر و سيله من علو الضلع حادر=كان لك خيمة بدرب السيل يا حجاج شلها
[/poem]

حجاج المهيمزي

[poem=font="simplified arabic,6,black,bold,normal" bkcolor="transparent" bkimage="backgrounds/6.gif" border="inset,10,skyblue" type=0 line=0 align=center use=ex num="0,black""]
الشيوخ اللي تعد شيوخ ترقى بالمنابر=و انت لا تزعم بنفسك شيخ و انته ما تصلها
المطر لو يضرب من الفجر لليل متقاطر=الخيام يشيلها و الارض ما حرك جبلها
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="backgrounds/6.gif" border="inset,10,skyblue" type=0 line=0 align=center use=ex num="0,black""]
المنابر بعضها ما فيه عز و لا مفاخر=و انت قبل تقول لي كلمة لنفسك روح قلها
ما انت (ابان) و لا (طويق) انت آدمي و الكل خابر=لو نطحت السيل سحـّـب جثتك قبل يغسلها
[/poem]

حجاج المهيمزي

[poem=font="simplified arabic,6,black,bold,normal" bkcolor="transparent" bkimage="backgrounds/6.gif" border="inset,10,skyblue" type=0 line=0 align=center use=ex num="0,black""]
كان ما تقدر تشد الحيل و تهد المخاطر=لا تعذر دونها يا صاحبي في عذر بلها
و انت ما انت بسيل لكنك معيبد و الخناجر=في جنوبك كل ما حصلتني تعمل عملها
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="backgrounds/6.gif" border="inset,10,skyblue" type=0 line=0 align=center use=ex num="0,black""]
لا دعا الداعي بحزات الشدايد جيت حاضر=و انت خلك بالرخا و ان شفت لقمة فيه كلها
انت ما دامك صغيّر صد عن حرب الاكابر=بالزمن يا ما و يا ما جاهل ٍ نفسه قتلها
[/poem]

حجاج المهيمزي

[poem=font="simplified arabic,6,black,bold,normal" bkcolor="transparent" bkimage="backgrounds/6.gif" border="inset,10,skyblue" type=0 line=0 align=center use=ex num="0,black""]
ما لقيت الا انت لقمة سايغة و الجوع كافر=لقمة ٍ حجاج من ضرسه على ضرسه قفلها
كبري بعقلي و في يمناي و سيوفي بواتر=مير لا تجني على نفسك و لا تدني باجلها
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="backgrounds/6.gif" border="inset,10,skyblue" type=0 line=0 align=center use=ex num="0,black""]
الظما و الجوع لا يجني على نفسك يا شاطر=فيه لقمة سم تذبح من علجها لو تفلها
مير ما دامك عزمت بساحة الهيجا تغامر=انطح العدوان و الاصحاب لا يكثر زعلها
[/poem]


أيضاا من ضمن محاوراته مع الشاعر المثير للجدل
بدوي فاهم

بدوي فاااهم

[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يا سلام الله سلام ٍ بليا مكرفون=يا معيبد و الذيابة على مرقابها
ودي آخذ معك طاروق و انته ما تهون=لين غرفتكم عليكم نصك ابوابها
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مرحبا ترحيبة ٍ حاوية كل الفنون=مع رجال المرجلة و الوفا نبدا بها
يا بدوي فاااهم ليا صرت رجال ٍ تمون=ما تمرك حاجة الا تحسب حسابها
[/poem]

بدوي فاااهم

[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الميانة خلها بين كاف و بين نون=و انت عين و لا تجي العين فوق حجابها
انت حرف ٍ ما تبي ضمتين و لا سكون=انتبه لي و البلاجيك شف مضرابها
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ما بغيتك لقمة ٍ تنطحن بين السنون=و ان بغيت النار لا بد ما تصلا بها
انت حرف ٍ سهل ما يتعب اللي يكتبون=اكتبه و امحاه و النار من شبابها
[/poem]

بدوي فاااهم

[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
غص بحر تسعين و اسبح يا ابو بشت و زبون=ما علينا من هل المجمعة و احزابها
الاوادم ودهم يربحون و يخسرون=و انت خش البورصة ما نبيك تهابها
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كم سبحنا بحور تصعب على اللي يسبحون=و انت بديار ٍ تثير الرياح ترابها
لا توصيني و انا من رجال ٍ يربحون=علم اللي سلعته بارت بدولابها
[/poem]

بدوي فاااهم

[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
السباحة تتعب يديك و تغث المتون=و انت اظنك يا ابن الاجواد ما ترضا بها
نزل المحزم و دنق مع اللي يسجدون=و ارفع الراية و خل الدير لاصحابها
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
التعب مخلوف و اهل المواقف يكسبون=و الضعوف الله ما يخلف جميع اتعابها
ما سجدنا غير لله يا زين الظنون=و الرجال اهل الخطا ناتفين اشنابها
[/poem]

بدوي فاااهم

[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
المعارك دايرة و الاوادم يحكمون=و انت زملك للخريمة تعوج ارقابها
الحصان اللي بميدان ابو زيد معنون=ركزت به سربة القوم روس حرابها
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يوم دورات المعارك و توسيع الطعون=ما تسرك خنجرك يوم طاح نصابها
كم فارس مات و اللي نجا راح مغبون=طمعة ٍ من دونها الموت وش تبغا بها ؟
[/poem]





أيضا إليكم محاورته مع الشاعر ابن مدعث

ابن مدعث

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
استغفر الله وابدأ الملعبة بالسلام = يا طيبين السلوم ويا كرام النسب
اللي نوى الحج لكن ما لقى له حرام=الحج يا طيب النيات ما هو غصب
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ابذكر الله و ارحب بالرجال الكرام=روس النشامى عزيزين النسب و الحسب
رح علم اللي رمى نفسه بوسط الزحام=يدور المغفرة و من المعاصي كسب
[/poem]

ابن مدعث

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا معيبد الله يجيرك والمعاني حيام=خل المحاريف لا تقرا ولا تنكتب
الشعر تالي الليالي فيه شك وكلام=حتى المهابيل صارت منه ما تنقرب
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا محمد المبتدا خله سواة الختام=كم مسلم ٍ يعبد الله لو ما يقرا كتب
الشعر له عند شعاره مقام و نظام=أحد ٍ كذب ما صدق و أحد ٍ صدق ما كذب
[/poem]

ابن مدعث

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انته عرفت القضية في نهار الصيام=يوم الشيوخ بمنابرها تقوم تخطب
احدن قراها خطأ واحدن قراها تمام=وانته عن الحق ساكت ليش يا ابو لهب
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما ودي اجرح صيامي يا رفيع المقام=بعض القضايا لا راس ٍ بيّن و لا ذنب
أنا كلامي مثل سيف ٍ يقص العظام=و ان كان ما شفت تلقى العلم عند العرب
[/poem]

ابن مدعث

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قول الحقيقه وفتق الظلم ماهو حرام=لكن سكوتك يزيد النار قاز وحطب
اخاف تفقد بعدها منصبك يا غلام = وتصير بين العرب قاعد بليا سبب
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دور و تلقى الذهيبة لا يردك عسام=يا ناصح القوم تب عن ظلم الأصحاب تب
ما هوب انا اللي يجي درب الخطا و الملام=اللي سواتي يبى يغلب و لا ينغلب
[/poem]

ابن مدعث

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماني بمذهب يا ابن عمي يا مال الرحام=ولاني بظالم تهجمني وتضحك عجب
كانك تشوف الخطايا صح برد و سلام=الناس ماهي بعمي ولا عليها تعب
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا محمد الشوك ما هو مثل ريش النعام=و اللي جمعهم ترى ما له علينا عتب
مع كل هذا ترى الدعوى على ما يرام=لكنّ ما كل أحد يرضى الصيام برجب
[/poem]

ابن مدعث

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من باب كلٍٍ عليه بهالحياة التزام=رايك قله واترك اللي بالحجب بالحجب
ودي تعرف العرب راع الوطا و السنام=ويخف وجه السما من رجف بعض السحب
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قلت الحقيقة و نور الشمس يجلى الظلام=مير انت عن كلمتي ملهيك سوق الطرب
يا طيب العرف سج الرجل شرق ٍ و شام=عساك تلقى العلوم اللي تفك النشب
[/poem]

ابن مدعث

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حقيقة بيني وبين بركتها غمام=ما من وراها وانا ابناخيك غير التعب
سجيتها مير ماعينت راع الحسام=اللي رسم للحقايق شعر دقن وشنب
[/poem]

معيبد الرشيدي

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الجرب تسرح و تمرح وسط واد الهيام=و انت ابتعد لا ينوشك من جربها جرب
فتح عيونك بعد بكرة و خل المنام=و تشوف ذيب ٍ قنب يوم ان غيره قنب
[/poem]













ومن ضمن قصائد شاعرنااا هذه القصيده بهذا الصرح الشامخ


سلام يا صرح ٍ شمخ بين الصروح الشامخات
.......فيه الدرر و الماس و انواع الجواهر و الذهب
شـِـيـّـد على ساس ٍ رسى مرسى الجبال الراسيات
...........حايز على الاعجاب من طيبه و لله العجب
المنتدى اللي حاوي ٍ كل العلوم الطيبات
..........رواده اهل المعرفة و اهل الثقافة و الادب
هو منتدى ربعي رموز المجد و اهل الاولات
........ربعي مقابيس الوغى ربعي عريبين النسب
مهامزة في حاضر الايام و الا الماضيات
........ لا كبرت القالات شجعان ٍ يفكون النشب
تشهد لهم روس الاسنة و الخيول المسرجات
.........في ساعة ٍ تبرك بمرعوب الفواد ام الركب
و تشهد لهم مدات جود ٍ من يدين ٍ طايلات
.....و يشهد لهم شعر العرب و الشعر ديوان العرب
من لابة ٍ مقدارها فوق النجوم المرقبات
......بني رشيد عيال عبس اهل الظفر و اهل الحسب
ماني بمحصي فعلهم و ان راحت الدعوى و جات
.............تاريخهم معروف قبل انه يوثق بالكتب




كلماات من القلب بهذا الوطن المعطااء قالها بمناسبة
اليوم الوطني






فرقا الحبيب تنكد البال تنكيد
.....ولالي على رد المقادير حيله







أسلحة دمار شامل تلك التي تمتلكه هذه الحبيبه
هي تلك العيون الخرس





ختاامااا
أتمنى أن وفقت لتقديم هذه الوقفه الموجزه عن شاعرنااا
والمعذرة عن التفصيير

والى لقاء قادم مع وقفه مع شاعر


[/ALIGN][/CELL][/TABLETEXT][/ALIGN]

الشاعر معيبد بن شعبان
شاعر شق طريقه نحو القمة بقوة واقتدار وصنع لنفسه نجومية طاغية فهو يجيد شعر النظم والقلطه
ريتاج / وقفه جميله واعداد ولااروع
كل الشكر والتقدير لخصك الكريم

صح السانك اخي معيبد
بس شكلك اخذتك المحاورة بعيد عن النظم
اشكرك اختي ريتاج

شاعر مشرف للقبيلة وللمنتدى ، شاعر ضد الخذلان .

شكرا ع التصميم الرائع والشكر موصول لشاعرنا

صح السان الشاعر معيبد شعبان والف شكر ريتاج على ماتبذلين من جهد

وقفه من اجمل الوقفات مع الشاعر القدير ، معيبد المهيمزي وصح السانه ملايين شاعر مبدع في جميع مجالات الشعر

له منا كل التقدير والاحترام