. شئ ٌ من الفخر

سنة .. تقفي سنة .. تقفي سنة .. تقفي وراها اعوام

............................... على عهد المودة كل شعب ٍ وانتم الدولة


غرستوا تربيتنا تحت ظل وراية الإسلام

............................... وغرس ٍ كان غرسه من وراكم ؟ حظ محصوله


نعم يمـــه فديتـك كل يوم ٍ وانتي الإلهام

............................... لكل اشعار كتـــّاب القصايد واللي بآقوله


بحضنك يا بعد قلبي سهرنا.. وان بغينا ننام

............................... تلحفـنا حنانك و السـهر لك سحـّـب رجوله


وهذي يا يبه بنتك تسابق ظلــــّـها قــدام

............................... و فخر ٍ مافتخرته لك .. أجل بالله منهو له ؟!


ابوي احس ابوي إن قلتها .. صار الوجود ْهيااااام

............................... وانا خبري من اول مُعجبه .. والحين مهبوووووله!!


مضت عشرين عام ٍ .. كنــّها من عِشتكم .. أيام

............................... ووقت ٍ دونكم ( وان كان لحظة ) .. قلت يا طولــــــه


وانا يا شاعرة .. إسم اني اكتب و الـهــِـم ِ الأقـلام

............................... ولكن .. لا قصيد ٍ عبـــَّر وْ لا جبت مدلوله


عساني ما اخلا منـكم واحقق معكم الأحلام

............................... ودام اليوم عيد ٍ .. كل شعب ٍ وانتم الدولـه

ـــــــــــــــــــــــــ
.
.
.

لشاعره ...عبير احمد

صح السان شاعره وتسلمي علي نقل لاهنتي

صح السان شاعره
وشكرا لكي بنت ابوي على النقل

صح لسان الشاعره
وشاكر لك الطرح


تحياتي وخالص تقديري وحترامي

مشكورة على النقل وصح لسان شاعرة هذه الابيات

منورين بتواجدكم يعطيكم العافيه

الشعر إذا ماعبر عن حالة شاعره فلا يعنبر شعر

صح لسان الشاعره ولاهنتي بنت ابوي على رقي الاختيار