تربعت وسط الجفن وأسوارك الأهداب=لكن وش يحفظ السور لاطاحت العبرة

السلام عليكم ورحمة الله وبركاته



جديدي عسى إن يحوز على رضاكم


[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
حصل شيء لكن ماحصل شيء دون أسباب=ومهما حصل نقول خبرة ورى الخبرة
لكن شتت الأفكار وانهارت الأعصاب=وبيّح ضميرٍ فيه الأسرار منقبره
وأنا ماوقفت بموقف الخايف المرتاب=نحرت الظلام وطال شبري على شبره
لكن الليالي تكسر الخاطر المنصاب=وكسر الخواطر شيء محدٍ لقا جبره
توارد من الضيقة علي الهموم أسراب=مساراتها خمسة وسطواتها جبرة
لوأني قريّب كل وقتي من المحراب =وسكرّت باب اضوق عليّه من الأبرة
وأخذت التجارب من صفا وقتك اللعاب=وحلمت بمصيري معك من نغمة النبرة
اجاملك لكنك تهالك جزاء وعقاب =على واحدٍ وزّع على شيمته صبره
نهاك وتناها لين صبره وجهده ذاب=وحلاّك لوأنك قبل تعرفه صبرة
لكن الكتاب اللي قريته وراه كتاب=صبر يازماني ماكمل داخله حبره
ابعلّق الموضوع في مغلق الأبواب=وابعطيك بيتٍ تسبر المقبل بسبره
تربّعت وسط الجفن واسوارك الأهداب=لكن وش يحفظ السور لاطاحت العبرة
[/poem]

مبارك نافع

صح لسانك و اعتلى شانك ، أنت لا تأتي إلا بالجديد الرائع دائماً .


لك أعذب تحية .

لــــكـــــن الــلــيــالـــي تـــكـــســـر الـــخـــاطــــر الــمــنـــصـــاب وكــــســــر الــخـــواطـــر شــــــــيء مــــحـــــدٍ لــــقـــــا جــــبـــــره


صح السانك وعتلا شانك قصيده رائعه من شاعر رائع

الشاعر /سهل نافع
صح السانك مليون
كما عوتنآ على الجزله وتجديد المفرده .
رآقت لي .
أجمل تحيه...

مبارك نافع

صح السانك ولاهان راسك

رائعه بكل المعاني تسلم وبيض الله وجهك

مبارك نافع
صح السانك وبيض الله وجهك
شاعر عودنا على الجزاله في شعره
لله درك
تقديري

صح لسانك مبارك نافع
أبيات جميله خطها قلمك الرائع
طرح جميل فأنت شاعر دائما
بالمعنى شكرا لك واحتـرام
كنت هنا علم داااار