مرثيه بالشيخ معلث الجبيري

هذي قصيدة الشاعر سند الفعري بالشيخ الراحل معلث الجبيري
وانا اعتذر على عدم تنزيل القصيده في وقتها
واعتذر من شاعرها على التأخير

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياهاجسي علمن يكدر سمعناه=علمن يضيق صدورنا سامعينه
عن الذي رحل وخلا لدنياه=لطيب بصمه والعرب خابرينه
حنا فقدنا راعي الصيت والجاه=عز الله انا ياعرب فاقدينه
راح الشجاع الي بالاتعاس ننخاه=معلث عسى كتابه يسلم يمينه
يالله تغفر مابقى من خطاياه=ومسكانه الفردوس مع ساكنينه
لاضاقت اربوعه من الوقت تنصاه=له ماقفن كل العرب خابرينه
مرحوم يالي تفعل الطيب يمناه=تاريخ له بقلوبنا كاتبينه
ومامات من خلف رجالن مسماه=الي يشيلون الثقال الرزينه
عياله الي عندهم للفخر جاه=عزن على عصره ومتوارثينه
من صاح ينخاهم يقومون لرضاه=والي دخل بوجيههم محتمينه
اخص منهم راعي الصيت والجاه=ناصر زبون الي غدرتبه سنينه
وخوانه الي بالشدايد مضراه=مع فعل ابوهم بالفخر مقتدينه
والي كتبه الله علينا رضيناه=والموت حق وكلنا ذايقينه
[/poem]

الله يرحم أبو ناصر ويجعله في الفردوس الاعلاء والله أنه فقيده

صح الله لسانك على الابيات الشامخه يالفعري وفيت وكفيت

تقبل مروري

صح لسااااااانك .. و الله يرحم معلث ...

و يجعل البركه في ذريته ..

و يستااااهل .. كفوووو ...

ملك الليل
بيض الله وجهك على النقل لاعدمناك

وصح الله اللسان سند الفعري
ورحم الله الشيخ معلث الجبيري
والنعم براع المليحاء مذكور بالطيب
والجود والكرم اسال الله ان يدخله
مدخل صدق ويغفر له ويرحمه ويدخله
جنات النعيم انه سميعآ مجيب امييييين

صح السانك
وللة يرحم الميت

الف الف شكر لكم على المروووووور

السلام عليكم صح السانك وبيض الله وجهك يخوي سند الفعري وماقصرت والله يرحم أبوي ويسكنه فسيح جناته وجميع أموات المسلمين وتقبلو مروري اخوك ًًً:فهد معلث راعي المليحا الرشيدي