يا زمان العجايب !!

يا زمان العجايب وش بقى ما ظهر**كل ما قلت هانت جـد علـمٍ جديـد
إن حكينا ندمنـا وإن سكتنـا قهـر**بين قلبٍ عطيب وبيـن راس عنيـد
لو تفيد المدامع كـان أسيّـل نهـر**مير كثر التوجّد والدمـع مـا يفيـد
اصبر ايام واشهر واتصبـرّ دهـر**وان حصلّ لي مناتي جيت لوني بعيد
ارجي الله واراقب كل طالـع شهـر**يجلي الهم عني أو عسى مـا يزيـد
يا غزالٍ فضوح الزّين عنه أشتهـر**في عيوني ملاك ووسط قلبي وحيـد
مخطي اللي يشبّه وجنتـك بالزهـر**الزهر ما له رماحٍ تصيب وتصيـد
لو جحدت المحبة سقم حالي جهـر**مير ما كل قلبٍ ياصل اللـي يريـد

خالد الفيصل

صح لسان الشاعر الحكيم صاحب السمو الملكي الامير خالد الفيصل

ومشكور على الاختيار والنقل اخوي معيبد .

مخطي اللي يشبّه وجنتـك بالزهـر**الزهر ما له رماحٍ تصيب وتصيـد
لو جحدت المحبة سقم حالي جهـر**مير ما كل قلبٍ ياصل اللـي يريـد

السيف الصامت


صح بدنك ، أسعدني مرورك .


تحياتي لك .

صح السان القايل
وسلم الله يد الناقل

معيبد اشكرك على الانتقاء الرائع

صح لسان الشاعر والامير خالد الفيصل

ولك جزيل الشكر على النقل الر ااااااااااااااائع

مفلح المهيمزي


صح بدنك و سلمك الله ، أشكرك على المرور .


تحياتي .

إن حكينا ندمنـا وإن سكتنـا قهـر**بين قلبٍ عطيب وبيـن راس عنيـد

صح إلسان قايلها وسلمتـ يدين ناقلها