ﻻوالله الا خرب الكبر كيفي

قصيدة الشاعر نشمي زامل الرشيدي


ﻻوالله الاخرب الكبر كيفي
خﻻني أقصر عن هوايه و الاشفاف
أشرف المرقاب وأرجع معيفي
وشماغي أضفيها على الشيب لايشاف
الشيب معلوما وقار و شريفي
لكن عند أهل الهواء منكرا جاف
الي ولعت مثل نبات الخريفي
عافوك لوأنك من الناس الاشراف
وأصبحت مالك في طرفهم وليفي
لامن أهل الديره وﻻبدو الارياف
سيف الكبر يغلب على كل سيفي
أنا أشهد أنه ﻷهل الحب قصاف
حرام مآ تلقا بوطنهم حليفي
كلاً يقول انا توريت الانكاف
خلوك أهل هجنا مامعهم رديفي
قطوك في جال البحر حول الاسياف
والبرق يبرق والرعد له رجيفي
وبرد الشتاء قارص وﻻ عندك لحاف
وجهك مع أهل الحب دايم قضيفي
خجول ماتلقا محباً وعطاف

مشكور ويعطيك العافية