قصيدة زوجه تزوج عليها زوجها

قصيدة زوجه تزوج عليها زوجها


السلام عليكم ورحمة الله وبركاته
يقال ان زوجة تحب زوجها وزوجها يبادلها نفس المشاعر ولاكن هذه الزوجة لاتروق لامه فطلبت منه ان يطلقها ويتزوج من ابنة عمه فوافق على ذلك وقالت زوجته لاتطلقنى وتزوج والله يوفقك ففعل وفى ليلة الزواج وفى الحفل الذى اقيم بهذه المناسبه قالت الزوجة الاولى هذه الابيات :-


زفوه قدامــي وأنا العين تبكيه
............................زفوه للي حكمها بنت عمـــــه

زفوه قدامـــي وأنا القلب يشكيه
..........................وشلون خان اللي غرامه بدمــه

أقبل عليها يحضن البنت بيديـــه
.......................وأنا أذوق الموت مع كل ضمـــــه

فرحانه أمه في نظرها تراعيـــه
..........................وأنا أصيح الموت للقلب يمـــــه

وشلون قفي حبي اليوم ناسيه
...........................وشلون ذوقني من الغدر سمــه

ياقلب خانك وأنت ياقلب شاريــه
.........................ياكيف بعض الناس مافيه ذمــــه

وشلون خانك وأنت بالدم تغديــــه
.............................وتفز مع كلمة أحبك بفمـــــه

جيت لزواجه يوم الاشواق ترجيه
........................وأدري زواجه غصب عني بيتمه

أكذب على نفسي وأنا اقول ماابيه
....................وأضحك وأنا اللي يطعن القلب همـه

لكن عجزت اكتم دمــوع تناديه
......................وهو جالس يسولف على بنت عمه

يالله
النصصيييب .....
صح لساان شاعرتهاااا و تسلم اخي بوفيصل ع الاختيااار
لاهنت و يعطيك الف عاافيه
تحياااتي

شكرا ع النقل
بس اللي يذبحني ليش الزوجه ترفض الزواج عليها وش السبب مع ان الشرع محلل اربعه
ليش ماتتقيد بشرع

شكرا ع النقل
بس اللي يذبحني ليش الزوجه ترفض الزواج عليها وش السبب مع ان الشرع محلل اربعه
ليش ماتتقيد بشرع

صح لسانك ومشكور اخوي..(اقسى اللحظات ان تشعر بعشره دامت سنين وانتهت بلحظه غضب)