طلع سهيل

السلام
عليكم ورحمة الله وبركاته
من العايدين عيد سعيد اعاده الله
علينا وعليكم وعلى الأمة العربية والأمة الإسلامية كل عام بالخير اليمن والبركاته والصحة والسلامة إن شاء الله تعالى
عساكم من عواده.
عذراً عن الغياب
اصافحكم بهذه المتواضعه تقبلوها كماهي عسى ان تنال إعجابكم

[poem=font="mudir mt,6,black,bold,normal" bkcolor="transparent" bkimage="" border="outset,5,silver" type=2 line=0 align=center use=ex num="0,black""]
طلع سهيل وذعذع(ن) النسانيس=هب البراد وراح حر السمومي
الجو يسوى جو لندن وباريس=والبر زانت طلعته كل يومي
وين أنت يا راع الوفا متعب العيس=اللي على قطع الفيافي عزومي
ساس الرجال امبعدين المراميس=من فزعته شرواه حظه يقومي
تشره عليه وشرهته تخزي إبليس=شرهة رجل ماهي بشرهة رخومي
لامنّها تزاحمت يخلي الكيس=زبونها يوم إن كل(ن) يسومي
يجود لاشحّت يدين المفاليس=مايخيب فيه الظن عند اللزومي
يشوم مايتبع طريق الهلابيس=عن الطّمان بعاليات الرجومي
أفخر برفقة كاسبين النواميس=تشدني خوة خيار القرومي
للخير خير وللمعادي مقابيس=دايم سوالفهم بزين العلومي
ماهي علوم أهل الوجيه المعابيس=ماتعرف المفطر من اللي يصومي
رماد نار تضيع فيهم حراسيس=ياليت ربي حط فيهم وسومي
عنهم يسليني هجاد الغطاليس=والبعد وافجوج الوسيعه يمومي
والصّمت والعزّه وبيض القراطيس=وعرف النشاما طيبين السلومي
وشوف الجبال مزبّنات القرانيس=وشوف الفياض الخضر بين الحزومي
يداوي الضيقه وكثر الهواجيس=عن المكان اللي يجيب الهمومي
أروي ضما ليلى ومجنونها قيس=إثنينهم من كل عيب امحشومي[/poem]

وسلامتكم من كل شر

صح لسانك واعتلى شانك

قصيده جميله من شاعر جميل

ننتظر بوح قلمك القادم

عايض الرشيدي

كن بخيرا

اقتباس:
المشاركة الأصلية كتبت بواسطة بـــدوي فااااهم
صح لسانك واعتلى شانك

قصيده جميله من شاعر جميل

ننتظر بوح قلمك القادم

عايض الرشيدي

كن بخيرا


بدوي فاهم
ياهلا ومليار غلا
انرت متصفحي المتواضع بتواجدك هنا
صح بدنك من كل شر
أشكرك جزيل الشكر على حضورك ويشرفني مرورك العطر
لا خلا ولا عدم
فائق الإحترام والتقدير
الله يحفظك ويرعاك

صح السانك أخوي عايض كلمات
في منتها الروعه كلمات اذبتت
وجوده وتمكنت بي مكانتها
مره أخرى صح السانك
تقبل مروري وخاللص تقديري

اقتباس:
المشاركة الأصلية كتبت بواسطة حكيم الزمان
صح السانك أخوي عايض كلمات
في منتها الروعه كلمات اذبتت
وجوده وتمكنت بي مكانتها
مره أخرى صح السانك

تقبل مروري وخاللص تقديري

حكيم الزمان
ياهلا ومليار غلا
انرت متصفحي المتواضع بتواجدك هنا
صح بدنك من كل شر
أشكرك جزيل الشكر على حضورك ويشرفني مرورك العطر
لا خلا ولا عدم
فائق الإحترام والتقدير
الله يحفظك ويرعاك

عايض الرشيدي


صح لسانك مدد بلا عدد ، قصيدة جزلة لا يكتبها الا شاعر جزل شرواك ،


تقبل مروري .

الشاعر:عائض الرشيدي
وعليكم السلام ورحمة الله وبركاته ,,
وكل عام وانت بخير ان شاءالله وتقبل الله منا ومنك صالح الاعمال ..

صــح بدنـكــ ~ شاعرنا عائض
قصيده محكه البنااء . ومتميزه في الوصف والاخرااج .. معاني جميله وموضوع في قمة الروعه ,,

تقبل مروري المتواضع ودمت بخير .