والله أني كنت ألوم اللي يضيق إن غاب خله

والله أني كنت ألوم اللي يضيق إن غاب خله
لين جربت المحبة ، والفراق ، وقلت توبة !
لعنبو جد المفارق فيه هم وفيه ذلة
وأثر كل الحب لذة والفراق أكبر عيوبه !
..
ليش تحسب غلطة الصاحب على الصاحب مذلة
ليش ما تحسب ميانة ، لو تجي عشرين نوبة؟!
..
كان جابتك الحمية روح له تكفى وقل له :
لا يخليني وإذا وده يخفف من ذنوبه
يستخير ، وله غلا قلبـ(ن) صدوق مايمله
فدوتـ(ن) له كل قلبي من شماله لي جنوبه
..
صاحبي سيف الهجر لا صرت تقدر لا تسله
ماتظن العفو عند المقدرة أكبر عقوبة !؟
ايه أنا اللي كنت ألوم اللي يضيق إن غاب خله
بس جربت المحبة ،و الفراق ، وقلت توبه !*