أختر عضو وأطلبه أجمل قصيده

تسسلم أخوي حكيم عالموضوع الرائع

كما أشكر من شاركـ بهِ

وبالأخص أختي همس المشاعر لأختيارها لي

وهذي الأبيات لأبن فطيس الي احبها مررة

وهي غزل كيكـ وعسل لكن ماهو في صحون ..

كيك وعسل لكن ماهو في صحون
ودعا ك من عين الحسود غطاك له

الله لايعطيه ناس ينضلون
ويستر علية من النحل لا ياكله

الوصف والتعبير في وصفه يخون
غير اطلب الله يستجيب دعاك له

وعذال قلبك في محبته يهبون
سكينهم عن قطع حبله حاكله

ناس عن اعراض العرب مايعرضون
ودايم على نفس الشكل والشاكله

اللي من لحوم الاوادم ياكلون
وحلوقهم دفع البلا متواكله

في سلمهم اولى بالاكل الاقربون
واطيبهم اللي صيدته شكواك له

عازمهم الشيطان للذنب ويجون
هذا يقطع له وذاك يواكله

ياجعلهم فدوة ثرا الغض الفتون
اللي على الدرب الطويل خطاك له

طيفه الى نام البشر زارك بهون
وطيفك الى نام البشر سراك له

حبه دفان ومقبرة خضر الطعون
بين العظام العوج كنك ناكله

اللي كذا.. حبه لو تموت مغبون
ولا لك الا الصبر وش وداك له

وأختار من بعدي

شاعرنا معيبد وبشرط تكون من قصايدهـ