أجمل قصيده غزليه..

هذه القصيده أجمل قصيده غزليه وذلك لإنها من القصائد الواقعيه التي تبتعد عن الخيال..
هذي القصه واقعيه
وهي تحكي عن قصة حب مؤلمه حيث عانوا من الفراق الطويل .


وهي والله ممكن احلى قصيد سمعتها

جبتها لكم


كان الشاعر يحب فتاة في دياره بالشمال ، وماقسم الله بينهم نصيب وتزوجت البنت من واحد ثاني وسافرت وكان الشاعر يحبها حب خيالي
وبعد ثمان سنوات كان الشاعر يعمل مدرسا وجاءه نقل اجباري لمنطقه بعيدة الظاهر في الجنوب ويوم داوم اول يوم في المدرسه وكانت ابتدائي شاف بين الاطفال طفل غريب يحس بشي يجذبه له ، ويوم ابتسم الطفل ناداه المدرس وقال له من انت ولده ؟ قال له انا ولد فلان ، قال له :انت امك فلانه ؟ قال الطفل :ايه
سكت المدرس وكتب القصيدة ، ومن بكره عطاها الطفل وقاله عطها امك



غابت ثمان سنين حلن وترحال
راحت ثمانٍ كلها مدلهمه

قضيتها بالحب والشوق رحال
شوقٍ تحدى كل ياسه وهمه

وعقب الثمان اللي تعبها برى الحال
جاب الزمان الكارثة والمطمة

جاني ولدها يبتسم بين الاطفال
ومن بسمته ذكرت أنا بسمة امه

وركضت له دمعي على الخد همال
ومن كثر شوقي قمت بلحيل اظمه

ساعة حضنته والطفل في يدي مال
شميت ريحتها على اطراف كمه

واستلهمت نفسي مقاديم الأهوال
وتم الضياع واكدت لي متمه

ليت الغياب اللي شغل غربتي طال
ولا دور العاشق على حرق دمه

واليوم بنت الناس في بيت رجال
وحب على غير الشرف لي مذمه

مجبور اعود واشتكي كل الأميال
بنفسٍ حزينه كائبه مستهمه

يرجع غريبٍ سكته بر ورمال
يموت .. يحيا .. يندفن .. ما يهمه

يرجع غريبٍ سكته بر ورمال
يموت .. يحيا .. يندفن .. ما يهمه

وانا معاك انها جدا رااائعه ... والهم والحزن ماليها ... غزليه بس شكل ثاني كها اسى وحرقت العاشق اللي مايطول اللي يبي ....


شكرا اخوي على النقل الرااائع ....................الليل

سلمت اناملك ع النقل
شاكره لك

مشكور اخوي جمال
على القصيده
التي تجذب دموع الاحزن
على هاذه القصيده
والله مؤلمه
وقصتها مؤلمه
سبحان الله صدفه جاء الطفل
وعرفه

مشكور اخوي جمال الله يعطيك العافيه
انا ملك لي مانقلته

تحياتي وخالص تقديري وحترامي

تذكرين وتذكرين وتذكرين

هذه القصيدة للأستاذ والاخ العزيز ابو مبارك عادل بن هون

يارساله خطهـا مـوض الجبيـن
اوصلت من بعد طـول المنتظـر

سرهاغـامـض ومبداهاحـزيـن
و ما خفى في طيها ادهى وامـر

بطيها الياقـوت والـدر الثميـن
زينت باحلـى عبـارات الشعـر

جت تذكرنـي سنيـن العاشقيـن
وجددت جرحـن قديـم ٍ مندثـر

كم تحريتك على طـول السنيـن
غاب نجمك تسعة اسنين وظهـر

مرحبـا بكتـاب ناسـن مبعديـن
مرحبا برسالتـك سـر و جهـر

يابعدعمـري يـاورد وياسميـن
عهدكم في وسط قلبي لـه مقـر

بسألك كانك على عهـدي اميـن
كيف متحمل من اسنيـن القهـر؟

تذكريـن وتذكريـن وتذكـريـن
طالبـا يجهـم لمدرستـه فـجـر

ينتظـر مكـان مانتـي تاقفيـن
ولو وقفتي عشر ساعات انتظـر

يفرحـه لـو تسمعينـه كلمتيـن
ولو تغيبي يـوم بحسابـه شهـر

ويحرجك هذي شبيهة صابريـن!
ذي حياة الروح ذي اغلى بشـر

تزعليه وفـي علومـه تفخريـن
ويزعلـك قـدام ربعـه يفتخـر

يوم عمرك خمس مع عشرة سنين
وعمر معشوقك فقط سبعة عشر!

راحت الدنياءعسى ربـي يعيـن
عمرنا وايـاك مـا مثلـه عمـر

لاتغـرك لحيـتـي والشيبتـيـن
عاشقك مازال له قلـب ٍ خضـر
ــــــــــــــــــــــــــــــــــــــــــــــــــ ــــــــــــــــــــــــ
وتقبلوا خالص تقديري,,,

ابو رياض الذيابي,,