الله ولا الهاجس اللي مايريحني....

الله ولا الهاجس اللي مايريحني

اسهر عيوني وعنّاني وعنّيته

.

.

آحاول أخفيه مير الحزن يفضحني

متمركزٍ بالحشا كن الحشا بيته

.

.

ياللي تعاتب غموضي لا توضحني

ماباقيٍ في الخفوق الا تناهيته

.

.

آصافح الهمـ قبل أنه يصافحني

وأحب خشمه واردد في الخفا ليته

.

.

ليته قبل لا تزل خطاي ينصحني

والا يريح خفوقي من عفاريته

.

.

والغالي اللي عليه الشوق ذابحني

اقفا به الوقت ماجاني ولا جيته

.

.

ياسيد الغيد قبل اقول لك بحني

بخبرك عن كلامٍ عنك خفّيته

.

.

تدري وش اكبر خطآي الله يسامحني؟

إقفايتي عنك وأنت اللي تمنيته

.

.

هذا هو اللي معذبني وجارحني

اقول بنساه وانا ماتناسيته...

مما راق لاحساسي....

دانه الف شكر لك على نقل القصيدة الاكثر من رائعه لشاعر تركي الفين

اجمل تحيه لك

صح الله لسااااااان الشاااااااعر وسلم الله يد النااااااااقل

دانه المهيمزي
يامرحبا مليون

صح الله لسان.. القايل مليون
وسلمت الانامل الناقله.. مليااااار
اهنيئك على ذائقتك الرفيعه ..وحسكـ الراقي .. دمتِ لنا ودام إبداعكـ . ...
سيدتي
اسمحيلي بنقلها الى قسم عيون الشعر
لك ارق التحايا وأصدقها

مشكور ة على النقل ويعطيكـ العافية لاهنتي وصح لسان شاعر هذة الابيات

يديك الف عافيه

شكرااااااا لكم على مروركم الراااائع والردود الاروع...........


لكم تحيه ملؤها المسك والعنبر...