عبس الابيه

بسم الله الرحمن الرحيم
السلام عليكم ورحمة الله وبركاته
لطلب بعض الاصدقاء توضيح قصيدة بسم شموخ المجد ياعبس سامين ولانها كتبت تحت نمط افلاشي غير واضح فانني اعيد صياعة كتابتها لتصبح اوضح على مكانة علي


--------------------------------------------------------------------------------------------
بسم شموخ المجد ياعبس سامين
تبقى شموخ المجد عبس الابيه
حنا سيوف المجد والمجد مجدين
مجد الحجاز ومجد نجد العذيه
ارقى السماءياطيرلاتنزل الطين
وقدح فتيل القاف بسمي وحيه
الروس مرفوعه بعبس الميامين
الابه اللي من زبنها ذريه
ياطير خبر قاسم الخيل قسمين
ان الشجاعه مور ثه ومحميه
حنا خلقنا للمعارك .......
نقلط على الهامه مساء وضحويه
ياما اسرنا من شيوخ وسلاطين
امساء عقيد القوم وصبح ضحيه
نسر ي بجناح الليل للقوم غازين
نروي سيوفن يابسات السقيه
ونسربجناح الليل والقوم عجلين
للي بخونا طالبين الحميه
ماهمنا جمع الذهب والملايين
نجود من ماجود جزل العطيه
لو جارة الايام نبقى حصينين
وقت الوغا ماعندنا مرحميه
ماردنا هرج الرخوم المساكين
اللي تبيع الهرج صبح ومسيه
لوالكلام جيوش حرر فلسطين
حررك يالاقصى وحل القضيه
القرن روح مابقى فيه عامين
وقومن تعد الهرج وتعيد زيه
شرعت باب القاف ورسيت ساسين
ساس الفخر والساس الاخرخويه

لاهنت جناح الليل على التوضيح
تقبل مروري

صح لسانك دائما مبدع يا جناح اليل
ومشكور على التوضيح

اهلين وسهلين
((جناح الليل))
تعديل اوتوضح حسب طلب
{الجمهور}
بس الدي ,ملاحظه,
العنوان تغير

ولاكن انت مبدع ياجناح الليل
وشاعر.. نبض الاحسس
لاتحرمنا من جديدك
ولاتنسي الارشيف

تحياتي لك ياجناح الليل

جناح الليل
صح لسانك وبيض الله وجهك
وشكرا على التوضيح
وتقبل فائق تحياتي

جناح الليل صح السانك وعتلا شانك
شاعر جزل بيض الله وجهك
تحيتي حب الغموض

لكم كل الشكر والتقدير ومروركم اسعدني
اما اخوي فريح اقول له ان
الارشيف والتاريخ شاهد هرم
لهذي القبيله
العضيمه مابقيت السماء والارض
لكل حادث حديث----