تعال لي كلك

اقتباس:
المشاركة الأصلية كتبت بواسطة عايض الرشيدي

السلام

عليكم ورحمة الله وبركاته
اسعد الله أيامكم بالمسرات جميعاً
متوضعه عسى ان تنال إعجابكم

[poem=font="simplified arabic,6,black,bold,normal" bkcolor="transparent" bkimage="backgrounds/40.gif" border="outset,6,burlywood" type=2 line=0 align=center use=ex num="0,black""]
تعال لي كلّك وأنا أجيـك كـلّ لـي=ننفض غبار الوقت والعمر ملحـوق

اقلط وتعرف واجبـك فـي محلّي=بين الثرياء والثرى هامتـك فـوق

عيني ترحـب بـك وقلبـي يهلّي=أهلا وسهلا فيك من خافق الشـوق

اجلس على حشمـه وعـز وتغلّي=آمـر تدلـل يابعـد كـل مخلـوق

قلّ لي وش اللي خاطرك فيه قلّ لي=وأسوق لك فنجال عذب الهواء سوق

وألا الهـزو والمهزلـه والتبـلّي=ماهي طبايع قلب خالي من البـوق

يامن خيالك صارلـي مثـل ظلّي=لو إن مال أهل الهواء سلم وحقوق

لاغبت عني يابعـد كـل مـن لّي=اعيش أنا والهم والحـزن والعـوق

من كثر شوقي ياسبـب ماحصلّي=ناديت لك صوتي من الضيق مخنوق

منك العذاب اللـي حصـل جايزلّي=أنت اعتبرك العين وأنا لها المـوق

حبـك بقلبـي عقدتـه ماتحـلّي=وسط الخلايـا دونهـا دم وعـروق
[/poem]

وسلامتكم من كل شر

الله الله أبو عارف صح السانك وعلا شانك شاعر جزل بكل المقاييس


شكرا لك على ها النادره

وتقبل خالص الود والتقدير