سلام ياعبس

سلام ياعبس

سلام ياعبس الرجـال الحشيميـن=سـلام وافـي لنشامـا حملـته
سلام ياربعي على العـز والديـن=بالمبخره طيب(ن) بكفـي نقلتـه
سويت عشر ابيات واكملت بيتيـن=الحد الادنـى للقصيـدة وصلتـه
حتى استطعت بكل ماقول شطريـن=معنى الجزالـه للقصيـدة ختلتـه
استخلص المعنى وحطه بقوسيـن=والشـك كلـه بالحقايـق قتلتـه
قلت الحقايـق كلهـا بالفهيميـن=من عبس كل الطيب والعـز نلتـه
منهـم تعلمـت الوفـاء للوفييـن=عهـدن موثـق مانقظـه لافتلتـه
نسكن مضارب عبس باول وهلحين=لانا سلائل عبس والصـدق قلتـه
بني رشيد الـى بغيـت العناويـن=عنا الردى والعيـب كلـه كفلتـه
عنوانهـم كفـه بفخـذ البعاريـن=يستاهلون القـاف لامـن صقلتـه
وافين في كل المواجيـب وافيـن=اللي غلاهم داخـل القلـب شلتـه
هذاالصحيح اللي عليه البراهيـن=في حبهم قاف القصيـدة قفلته

صح لسانك واعتلى شانك

صح بدنك يالفاهم

صح لسانك على الا بيات لجميلة

صح لسانكـ ويعطيكـ العافية .

بني رشيد الـى بغيـت العناويـن ,, عنا الردى والعيـب كلـه كفلتـه

الشاعر الكبير مفلح النميش
كل بيت في هذه القصيده موضع للابداع والتميز ,,
دائما المميز لايكتب الا مميز ,,
تقبل مني ارق واعذب التحايا ,,
دمت بخير .

الله يحييك في منتدى ربعك وصح لسانك .