قصص نكت قصايد فرفشه

سكرة شجاعه



لا حانت الفزعه خذونا مجانين=ولا لزمت للهوش حنا سكاراا

..


سكرة شجاعه وللشجاعه عناوين=ما هي بسكرة من حياته خساراا

..


وان جت لاهل الطيب حنا حشيمين=وقال المثل عرف النشاما تجاراا

..


وان كنت جاهل بالرجال الوفيين=حنا مع اهل الحق محنا قشاراا

..


خلك فطين القلب يابن الكريمين=ولا تصير من اهل الوجيه الكشاراا

..


بعض العلوم اللي تجيب الرديين=ما تجيب ناس للصعايب صباراا

..


حنا ترى بالجو مثل الشياهين=وبالحق في حوض المنايا نتباراا

..


حنا ترى مانرحم اللي معادين=نشب في روس المعاليم ناراا

..


حنا ترانا للمواجيب وافين=نعطي ونوفي ما منعنا اعتباراا

..


حنا ترى من عبس عبس الشريفين=اللي مع اهل الحق ماهم نكاراا

..


وللحق شمس وشمسنا دايم تبين=ونشوف منهو فوق فوق المناراا



وسلامتكم