دموع طفل .؟؟قصيدة تحمل الكثير من الهموم اتمنى معرفة القائل

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
فرحت لـك وأنـا معاليقـي حطـام=والصدر من مـا فيـه بيّـح كنينـه
فرحة يتيم ٍ ليلـة العيـد مـا نـام=خـالاتـه وخـوالـه مواعديـنـه

مواعدينـه بشـت وشمـاغ بـسّـام=ويلّعبونـه .. فـي ملاهـي المديـنـه
مانـام .. واحلامـه تـحّـراه قــدام=كنه يطـول أحلامـه براحتينـه
صبحه تجّلا نـوره ب/عيـد الاسـلام=وقبـل يـروح المسـجـد:ملّبسيـنـه
جده مـا بيـن العيـن والجيـم والـلام=خلّيـه يافـلانـه. ولا تأخريـنـه
تراقبـه ب/عيونهـا . حـب وهيـام=وعيونهـا . ممّـا تكـنّـه/ حزيـنـه
"يعرض لها الماضي مثل عرض الافلام "=ل.. ماضـي ابـوه وغـلاه وحنيـنـه
يرجيه ل(سنين القسـا) درع وحـزام=وجنـب ٍ علـى صكـات بقعـا يعينـه
ابـو ثـلاث أعـوام .. والا 4 أعـوام=يغار منـه البـدر..مـن كثـر زينـه
صلّى وجاء وأمر الله اللي قضـى تـآم=ماهـوب داري عنـه.. زينـه وشينـه
بشته عليـه .. مهنـدم ٍ خيـر هنـدام=واللـي ب/ عمـره..كلهـم محترينـه
يوم اطلعـوا للشـارع انقسمـوا أقسـام=وأهـم مـافـي القـصـه ؟ ملّعبيـنـه
تداعـب رموشـه. ذعاذيـع الانسـام=ويابردهـا .. يـوم آيبسـت شفّتيـنـه
وعلى تـراب الأرض بأصبعـه رسّـام=أمـا رسـم لـه طيـر.. والا سفينـه
العيد طعمه كـان فـي الشـارع العّـام=ماهـوب عـن رغباتـه .. مقيديـنـه
رجـع ولكـن فرحتـه ضايعـه (دام=كل ٍ مشـى ) وأخـذ ولـده ب/ يمينـه
صاروا خواله في نظـر عينـه اصنـام=آحيـوا ب.. داخلـه الجـروح الدفينـه
ولا عنده الا أمـه ونـاب القهـر سّـام=جاهـا يبـي منهـا اليديـن الأميـنـه
شعوره اللي حـس بـه مثـل الإلهـام=وأول سؤال فبالـه :أبـوي وينـه
سؤال:لكـن كـان مثـل النبـا الهّـام=لازال باقـي فـي المسامـع .. رنينـه
جته تعـدي,ماهـو تخّطـي بالاقـدام=وشالتـه بيديهـا.. وحـبّـت جبيـنـه
أبوك:جاء البارح وقبـل الفجـر قـام=وشرى لـك ألعـاب,وهدايـا ً ثمينـه
تراه حبّك وأنت غـارق فـي الاحـلام=وراح ل.. دوامه,والشغـل مرسلينـه
لحظه..وهو بين الحقايـق والأوهـام=والدمـع الازرق حايـر ف.. مقلتينـه
يمّـه:تـرى مانمـت والعالـم نيـا=ماجاء .. ولا لمسـت يدينـي / يدينـه
مدام رقمـه معـك مـن بيـن الارقـام=ب.. أكلمـه , يـوم إنـك تكلميـنـه
طاحت ما كن آلها من الصدمـه عظـام=ولاعـاد فيهـا صبـر.. ولا سكيـنـه
قالـت بـدون شعـور وإدراك وإلمـام=أبـوك ! فـي تـراب القبـر دافنيـنـه
العام مات .. ومـتّ مـن موتـه العـام=وكنـي بعـد مامـات عنـي سجيـنـه
أبوك جنـدي للوطـن ضـد الإجـرام=عـطـاك عـمـره دون داره وديـنـه
تفجّـرت مـن تحـت رجلينـه ألغـام=ولاعاد لـي بعـده حصـون ٍ حصينـه
بكّت .. وطاح الدمـع مـن حـر الآلآم=وبكى وطاح الكـون مـن مـوق عينـه
كـل ٍ عذلهـا .. بيـن عاتـب ولـوّام=تصّبـري .. خلـي ضلوعـك متيـنـه
ماهو صحيح ان الضروره لهـا احكـام=اكبـر خطـاء يـوم إنــك تعلميـنـه
بـكـره تنسّـيـه الليـالـي والايــام=هو فيـه أحـد ينسـى حـدا والدينـه
طير السعـد فـي عالمـه مابعـد حـام=والله يعـلـم وش تخـبـي سنـيـنـه
أنا كـذا!ساكـت وصابـر ومنضـام=لكـن كـان الفـرق بينـي وبيـنـه
الدمع ل.. عيون الأرامل والايتام=ودمــع الـرجــل ذل وهـــوان وغبـيـنـه

[/poem]

الله الله ... رااائعه
اختياار رااقي و مووفق ....
صح لسااان شاعرهاا ... و تسلم يمينك اخووي ...
(( ..على ما اعتقد ... انهااا لابن فطيس ... و الله اعلم .. ))

تحياااااتي ...

يعطيك العافيه
وتسلم روحك مشاعل

وشاكر لك مرورك الذوق

ابو هذا

سلمت على الاختيار الرائع وصح الله السان شاعرها
فصيده فيها من التصوير ابداع ومن الحزن ابواع

الف شكر لك

صح لسانك ومشكور اخوي وتقبل مروري وتحياتي للجميع..