ِِ مقــهى البـوح الشـعري ..،، تفضل أرتشف قهوتك ..ِِ.

صحيح سني صغير وبالعرب توه
لاكن عقلي كبير ومضرب امثالي
فهمت درسي وانا توي على ضوه
من راس عودن يشيل الحمل لامالي
يقول خلك مع هل الطيب والخوه
واحذر تجي بينهم للهرج نقالي
تسمج ويضحك ويفرح كل متفوه
لاجا مجال السوالف جاك طوالي
وادمح خطا صاحبك لو كان بعنوه
احسب حساب الرفيق وصاحب غالي
اليا شفت ميل الزمان بصاحبك سوه
ابذل من الجهد لجله وارخص المالي
ماجاك لين الاسى خيم على جوه
يبي مقامك يفرج عنه الاثقالي
هذا بعض ماحفظته طيب ومروه
اخذت منه الوفاء عن كل عذالي