ياوجودي وجد من حظه على الجزلات ساقه<حجاج المهيمزي>

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وجد حالي وجد من ماله مع العالم رفاقه=تحفظه عن كل عيب وتنصره في كل شده
والرفيق اللي مايعرف وش مواجيب الصداقه=لاذكر طريا الصديق ان طعت شوري لاتعده
والتكبر والتعالي والتغطرس والحماقه=خلقتن مالله خلقها غير بوجيهٍ مصده
والردي مهما يطول به الدهر قطاع ساقه=مانبيله لاسلام ولاكلام ولاموده
ياجودي وجد من حظه على الجزلات ساقه=حظه مورث وراثه وارثه من راس جده
مايبور بطيبه وعهد الخوي مايوم باقه=بالفجوج الواسعات وبالدروب المجرهده
الكرم طبع وجبلّه والثقل عقل ولباقه=والسخا والجود عاده دايمه لاهل الاشده
وانت ياللي محتوى الموضوع خارج عن نطاقه=مانلحقك الملام ولاعلى شرواك رده
عادة الوراق دايم مايجيد الا الوراقه=لو على التغير وده ياصعب تغير وده
وكل شي وله نظام وكل بابٍ وله طاقه=والكلام المنطقي تلقى مع العراف رده
والسلام اختام والعلم ان بغيته بالرواقه=كل رخوٍ له شبيه وكل ندٍ وله نده

وسلامتكم
[/poem]

الله الله

وانت سالم اوغانم

صح السانك ياحجاج وبيض الله وجهك قصيدة تعانق السحاب بروعة جمالها

يخون التعبير في مثل هذه الحالات

تقييم اعلى وتقييم لشخص الكريم

تحياااااتي لك

صح الله لسانك مليون
ياابن عمار
هذا الأبداع ليس غريب على الشاعر حجاج
الذي يجيد شعر النظم وشعر القلطه
استمر على هذا النهج الجميل
لك ارق تحيه

شاعر الجزاله والمفرده ..

صح السانك ملايين..

كما تعودنا ع الابداع والتميز ...من قصيدك الفذ ..


ننتظر جديدك بكل شوق...

صح السانك الشاعر حجاج تعودنا على الابداع منك دايماً

قصيده رائعه تستاهل اعلى تقييم

صح الله لسانك واعتلى شانك
قصيدة جزله من شا عر جزل
ذكرتني بالشاعر الكبير رشيد الزلامي
يقول

وين الذي يعرف حقوق الصداقه=عرفٍ على معناه وإلا بلاشي
يا شين أنا ماني بقطاع ساقه=وكلمت شرف عندي تساوي معاشي
وإن كان تزعلك العلوم الدقاقه=وجنبك جزوع (ن) ما يداني الرشاشي
لا تعتبر بيني وبينك علاقه=إلا سلام ومرحبا وأنت ماشي
حجاج
كن بخيرا

حلوه والله شكرا