تطول السلفه وانسى ضيوفى واحتفى برضاك

تطول السالفه وانسى ضيوفي وأحتفي برضاك
والى جيت التفت عنك نسيت أخذ معي شوفي


هلا ......بك مرحبا... ..مليون طلقة وارحب وحياك
تنق اللي تبي منها ولو الهرج مـــــــايـــــوفي

أنا عشت لك باقي حياتي ولو أموت افــــــــداك
عجزت اردلك بعض الجميل اللي ملا جوفي


تسـنــد لاتحسسني بنية بعــدك وممـــشــــــــاك
ترى لو الهوى حرك ثيابك هدني خوفي


نعم قد قلت لك بأنسى ولكني نســيــــت انساك
مثل ما انك نسيت العطر يملا عقبك كفوفي


عسى الله يقطع الشـيـطان لها قلبي ولا قـهواك
تركت الدله وصبيت لك حملي من كتوفي


جلــست اقرا تعابيرك ولوي لابغـيـت اقراك
يلعثمني هدبك وتنتحر في عينك حروفي


تكلم قل احبك ....قل عشقتك ..قل حرام اجفاك
وأمانه فكني من كل جرح عذره ظروفي


ابا اكتب لك بياض وفيه تقرا كل ما يهناك
وبسولف لك سكوت ومنه تسمع اخر حلوفي


تطول السالفه وانسى مجيك وأجلس استناك
وأصب أخر فناجيل الغلا وأودع ضيوفي

صح لسانك
وقصيدة موثرة
وتمنا ماتطول السالفة
وبالتوفيق

صح لسانك
وقصيدة موثرة

صح لسانك ومشكور اخوي على القصيده الرائعه..