الوقت من دونك سجن وغيابك اسياجه

الوقت من دونك سجن وغيابك اسياجه


الوقت من دونك سجن وغيابك اسياجه


غيبتك لوهي دقيقة تعتبر صده
الوقت من دونك سجن وغيابك اسياجه
لاتعتذر لي ترى ماعاد في شدة
اعيد الحكي يكود الصدر مخراجه
دامه يوصف بجود ابيك وبجده
وشلون تبخل على المجروح بعلاجه؟
وشلون قاااوك قلبك رده وصده
مع انه بين عليه الضعف والحاجه
ياقو قلبك برد ايمينك ورده
بخلت بمصافحه وارهيت بحراجه
لوماسقى غيم عينه جرهدي خده
تراه يبكي وقلبه يلحق أخلاجه
ولوشفته يمازحك تراه من جده
الضحك عن درب ضيق الصدر ماعاجه
غير الغلا والوله عليك وش حده؟
يادرب ليله ويامسراه وسراجه
كنه يعرفك قبل يلقاك من مده
مع ان مابينك ومابينه أمواجه
هواك بدو نووا للقلب بالشدة
ورياض قلبي لشوف البدو محتاجه
والوصل بحر متى انت بتسمع ابمداه
السيف صبري وبحرك شح بأمواجه
قصيدي اللي قريته واللي أعده
قديم لايزعلك معناه واخراجه
وفراغ قلبي غلاك ارهى على سده
ليتك تشوف الغلا وابراجه وعاجه
أقوى رياح العذل ماتقدر تهده
والا الجفا لو تنفس هدم ابراجه
تغانم الوصل لن البعد لابده
ياتيك في يوم ثم يأخذك بأدراجه
اللي لي انك تلين وتترك الشدة
واللي لك اني ماسولف بك لهراجه
ولاني بزعلان واللي نرتجي مده
ياباب قلبي وياقفله ومزلاجه
زعلة تغلي ومن تزعله من قده
مادام كل يبي دربك ومنهاجه
غالي وتبخل علي وتطول الصده
الله يسامح غلاك ويلعن الحاجه

رااائع و جميـــــــل

يعطيييك الف عاافيه حبووبتي ..

صح لسااان شاعرهاا ... و تسلم ايد ناقلهاااا ..

تحيـــــاتــــــــي ...

!! مشــــــــاعر خجولهـــ !!

مشكوره على المرور

اول شي صح لسان قائله وثاني مشكوره اختي على النقل وعلى ذوقك الرائع والاروع نقلك لاني كنت ابحث عن هذي القصيده كامله وهسى حصلتها مشكوره اختي ,,, تقبلي مروري ولك احلى لايك>^ على القصيده..

مشكور على المرور