كتابات حكيم على جدران الزمان

مساء / صباح الورد والكادي


ذبيت في رجمٍ طويلٍ تعـــــــــــــــــــــلا
حِل العصير وقبل وقت الغروبـــــــــــــي

من ضيقة الخاطر رقيت أتســـــــــــــلا
والعين عيت عن هواها تتوبـــــــــــــي

قامت من العبره تفيض وتمــــــــــــــلا
تنثر على خدي سواة الغروبـــــــــــي

تذكرت عصرٍ مع الوقت مـــــــــــــــــلا
وأقفا مثل طيرٍ قفته الهبوبـــــــــــــي

يادار وين إللي ليا جيت هـــــــــــــلا
واهله بعد لا جيتهم رحبوبـــــــــــي

أبكي على عصرٍ مضالــــــــــي وزلا
ياهنيكم ياميتين القلوبــــــــــــــــي

صار العوض عشرة حبيب ممــــــلا
أمس معي واليوم ماهو بصوبــــي

ياصاحبي كانك علينا تغـــــــــــــلا
والنفس شينه والزمان محسوبي

ماتدري إن اللي تغلا يخـــــــــــلا
وغلاك توه في طرف كم ثوبــــي

مادام ذا طبعك فعني تخـــــــــلا
على سفينة نوح تلقى ركوبــي

لاصار حبك حلم ليل تجــــــــــلا
علمي معي وأنته تدل الدروبي

يمكن مية خيره لا واللـــــــه إلا
اسلم من ذنوبك وتسلم ذنوبي