كل عام وانتم بخير

المشاركة الأصلية كتبت بواسطة صفوان

صفوان يالشامري رجال قلبه جزوم = ماهو من اللى يلبي صوت شيطانها
ان كان داخلك ملسونه بليا هدوم = لبستها من نسيج الجن سلطانها

يا لابس التاج لا تعود تحب الخشوم=في ساعةٍ يلعن الديان ديانها
عطني علومك ترى علومي تجيب الهموم=ومن سج له سجة يغني على ألحانها

استأذنكم النوم سلطان ولي عوده فيما بعد

المهم لاتقاطعون ههههههه

استودعكم الله

اذنك معك يابو عوض

نوم العوافي حبيبي

انت تقول الحطب تشعله لفح السموم = وانا اتعجب على ايت ساس بنيانها


يالشامري خانك التعبير في هالحلوم = وانا اول اقول هذا الشيخ صنوانها

استلم


اذنبت وابن آدم من الذنب ما هو معصوم=والنفس عنيتها واطلقت لعنانها

طال انتظاري بصالات انتظار القدوم=ما شافت العين تاركها على أحزانها

يالشامري سلعتك سيمت بليات سوم= وانت مطفف تزيد السوم باثمانها

اللى تحرا حضوره جتك بالبحر عوم = توطته باخره واخوك ربانها



وصح لسانك ياصديقي الشاعر واسمح لي النوم سلطان

انا بالديرة والشبكة ضعيفة لكن استلم ومع السلامة انت وهالحصانية اللي يوايقون ههههه




من عاف بنت الشيوخ وحب بنت الرخوم=عساه من فدوة اللي عزها صانها
انا مدور ذهيبة وانت راعي لزوم=والله جمعنا بدارٍ غاب سكانها