كتابات حكيم على جدران الزمان

عقب البطا لاقيت ظافي الجديلات
= ياليتنا عقب البطا ماالتقينا
سلمت وقلت لنور عيني سلامات = وش غيًرك ويش السبب ما تبينا
دنق وقال ارجوك إنه العلاقات = شيٍ حصل ماعاد هو في يدينا
انا بحبل انسان ماهي دعايات = ارجوك ابعد خايف انًه يجينا
حاولت اعبر عن همومٍ خفيات = بس الحكي شيفيد مهما حكينا
كتمتهن بالجوف لوهن قويات = راضي على ماصار لو مارضينا
ولف العباه وراح وانا بحسرات = فرقاًجرت من غير ذنبٍ جنينا
وقفت اخايل غض الأنهاد لحظات = فيهن تهدم كل شيٍ بنينا
وقمت اتذكر كل شيٍ لنا فات = قبل ايتغير بالمحبه حدينا
ياما سهرنا بأظلم الليل ساعات = وياما طلع نور الفجر مادرينا