قصة امل الزاحفة مع اللي بيخطبونها ...!!!!!

الســـــــلام عليكم ورحمه الله بركآته
قصــة امل عجبتنــي وحبيت انقلها لكم
الام :: يابعد عمري يابنيتي مابغيتي تنخطبين وتفكينا
امل :: هع الله يسلمتس يمه عقباااااالتس
وماتحس الا بكف حلاقه ماشي 300 ريال بالميجابايت يصبخ رقبتها
امل :: اااااااااااااححححححححححح يما شفيتس ليه حركات الاثاره هذي
الام :: وووووووجع ياجعل عدوينتس للعمى فال الله ولا فالتس
امل :: ,, بمشيها لتس هالمره لانتس امي خخخخخخخخخخ

الام :: اقول لايكثر ويلا تجهزي بكره اهل رجلتس بيجون يشوفونتس ==> تحسوون تبي الفكه على طول خلته رجالها لوووووووووول
امل :: تيب
راحت اموله تمشي عالدرج بكل خفه وليونه تحرك شعرها يمين يسار ورافعه طرف البجامه باصبعها الابهام يقالها اميره الدهر المنقضي وكلها رقه ذابحتها
يناظرها اخوها ( علاوي ) من فوق الدرج ويشهق هذيك الشهقه اللي زلزلت اخر علبه تونه بدولاب المطبخ
لااااااااااااااااااااااااااااااااااااااااااااااااا اااااااااااااااااااااااااا
لاتحاولين موب رااااااااااكب وهي اللي تتحطم برشا برشا يامدلل حبك على قلبي تسلل
انطممممممممممممممم يالدوووووووووب مالك شغل والله لاجي اسطرك ترا باقرب ماعندي
علاوي :: ايييييييييه هذي اموول اللي اعرفها لووووووووول
امل :: طيب طيب رح عدل شعرك اللي تقول كومه شعير سادحينها عند بقره عشان تحلي فيه كه كه كه
علاوي :: ومين البقره ياحلوووووووه واااااااااااااااااااااااااااااااااك ههههههههههه خخخخخخخخخخخخخخ لازم تجهزون لي جو نفسي ومعنوي لهذا الحدث الهام من تاريخ البشريه
علاوي :: من اللي انخطب ؟؟؟؟؟؟
امل :: انا !! ليه موب ماليه
امل :: يمااااااااااااااااااااااااااااااااا شووفي ولدتس ذاا يتحرش حرام عليكم انا مخطوبه على وش زواج
عينك ولا وش ؟؟
علاوي :: لا حشى معبيتها بعد ونووص بس عطيني رقم هالمقرود بقوله يهون خخخخخخخخخخخخخ
وهي اللي تحط الطبلون على d والمحول على c والعداد بين z و j (( شتقول ذي )) وتدوس بنزين وتدخل بخشته وهااااااااات يامكاااافخ
ياعوومري ماتنلام ياشينهم الاخوان لا قاموا يخفون دمهم ويحطمون
الام :: يؤيؤيؤيؤييؤيؤييؤيؤييؤ وش فيييييييييييكم املوووه وعمى لا يجون الناس بكره ويشوفون عينتس مبطوطه وراستس مفلوع ويهونون ,,
علاااااااوي يمااا يانووور عيني اترك شعر اختك ==> يؤيؤ شف الاسلوب كيف تغير مع العياااال ياويييييييييييل حالنا يالبنات
امل :: طيب طيب اوريييييييييك خل يجون الناس بكره لاجلس اتفنن بتصفيقك عندهم عشان يشوفوني قووويه ويخافون مني

وتروح ياعوومري مكسوره الجناحات بعد التحطيم اللي خذته من اخوها الدوووب وتكلم خوياتها وانواااااع السوالف والضحك ==> هذي اللي متحطمه؟ !!
واهلا بالنصايح من صديقات عمرها بالهبال
* اللي تقولها سوي ثقل وبس تبسمي بخششهم
* واللي تقولها طيحي الميانه من اول يوم عشان لا يتوحدون فيتس بعدين
* واللي تقولها لا تنزلين لهم ابد بس سمعيهم صوتتس من الانتركوم ==> لييييييه مستشفى!؟!؟! خخخخخخخ
* واللي تقولها انشبي جنب ام المعرس وقهويها ووكليها الحلى وشربيها الشاي ==> ماباقي تقول غير لبسيها الشبكه وارقصي معها هههههههههه

خخخخخخخخخخخ مساكين متحمسات لها يبون الفكه وهي متصله تحفل فيهم وعشان تقولهم انها انخطبت لووووول موب مصدقه البنت
امل :: هيييييييييه جوااهر لا تنسين الـ 500 ريال اللي قلتي بتعطيني اياها لما كنا باول متوسط يوم تراهنا على اني اتزوج
جواهر :: اهبببببببببببببببببب مانسيتي ؟؟ وش هالذاااااااكره !!!!!! تعالي تعالي خل احطتس بجوالي ==> خفــه دم !!
امل :: هاهاهاها بايخه ,, الموهم لاتنسين الـ 500 وهديه الزواج بعد هع
جواهر:: شتبيييييين ماتكفي الخمسميه ؟!! وشوله الهديه بعد تراني عايشه عالمكافاه لاخذتي 500 وش بيبقي لي يامال الضعفه
امل :: هههههههههههههه مشكلتتس ==> حلوووه النذاله بهذي المواقف كااااك

خلصت مكالماتها وراحت تجهز لبس لبكره

طق طق طق
( صوت الباب يضرب بكل ادب وذوق )

هذا بيتنا؟؟
معقول باب غرفتي ينطق؟؟
يؤيؤ
ياللعجب مستحيل يكون واحد من العائله هو اللي يطق الباب ,, العاده يدفونه برجولهم ويدرعمون خخخخخخخ
امل :: لالالالالالا لا تدخل يالاخو مضيع بالغرفه تراك ==> مسكينه اثار الصدمه اول مره ينطق باب الغرفه لووول
علاوي :: انا يالدوووبه
امل :: يووووه هههههههههه من متى تعلمت تطق الباب انت ودميجتك مسويلي فيها ادب تعال وش تبي !!
علاوي يدخل الغرفه والالم يعتصر خشمه :: اهئ تهؤ جلست اتخيل البيت من دون صراختتس وهواشتس وصرقعتتس وضاقت فيني القايله ==> عادي عادي ولد قوايل يقدس هذا الوقت من السنه
امل:: ماشاء الله من متى المحبه ؟؟؟ مو توك مكفخني لين عضيت الارض !! يلا رح منيب مسامحتك اعرفك تبيني اعطيك من مهري بس حريييمتك
علاوي :: مالت عليتس وعلى اللي جاي يعبر عن مشاعره نحوتس ( حلوه نحوتس خخخخخخخ )
امل:: زين زين عطني ظهرك وطس

جا بكره ووصلوا اهل المعرس
اموووله قاعده بغرفتها تطالع عمرها بالمرايه وتفتح فمها وتسكره تغمض عين وترفع حاجب شوي تقوم تهز خصرها تبي تقلد ميريم فارس
ومابقى شي بالحياه من الخبال والحالات اللامتناهيه من العبط الا سويتهم هالبنت
وهي مطلعه لسانها ورافعه رجلها على ورى دخلت امها عليها
تخرعت البنت وفتحت لها كشرتها على مصرعيها هلا يمه
الام :: مالبستي للحين؟؟؟؟؟؟
الناس تحت ياجعل عدوينتس للعمى قوومي البسي اخلصي علي غديتس تتزوجين وتفكيني من خبااالتس
امل :: يماااااااااا استحي ==> ابووو العبط اللي زي كذا امها غاسله شراعها وهي مستحيه ههههههههههههه
الام :: زين زين البسييييييييييييي
امل :: يما يابعد هالدنيا ليه صاحبك تقسى عليه لاتعصبين ماتحمل اشوف هالخدوود تفوح نار من العصبيه .. يما تبين جالكسي ؟ ==انواع الروقااان
الام تطلع من الغرفه وهي تدعي على نفسها بهالبنت اللي رفعت ضغطها ااااااااااللللف ههههههههههههههههه
راحت الام فديتها ترقع تباطي بنتها
ام المعرس :: وينها عروستنا ماشفناها؟
الام :: ههه ههه اي اي الحين نازله بس تعرفين حيا هالبنات
ام المعرس :: هههههههههه اييي اكيد الله يخليها لكم
واذا بذاك الصوت اللي يثقب الغرفه ويدخل لمسامع العجايز اللي قاعدات تحت
علييوييييييييييييييييي وين الجل حقي جعلك بالمررررض
علاوي :: شتبيييييين تحطين جل وانتي عروس هههههههههههه لا شرايك تلبسين جلد وبرمودا ونظارات شمسيه ونطلع نرقص راب برى
امل :: تصدق فكره يلاااا قدااااااااااام
اهل المعرس انواع التعجبااااات والاستفهامااات
الام انقلب وجهها تبي ترقع :: هه هه هه عن اذنكم
وتحط رجلها 220 لغرفه بنتها وتصفقها ذيك الصفقه اللي طيرت اخر مابقى فيها من عقل ورجعت وهي ماسكتها
الام :: اقدم لكم بنتي العروس ==> والله حركات الام تعرف تقدم وتسوي حركات نص كم مايمدينا عليها
تناديها :: تعالي تعالي لاتستحين
امل :: زين زين يمه لاتحنيين بجي بس تنورتي نشبببببببت يوووه
الام ::
واخيرا وبعد جهد جهيد شرفت العروس وسلمت على ام المعرس وخالته وعمته وجدته
وهي تسلم تقول بنفسها :: ياربييييي لايكون هذي حالتي معهم كل يوم اجلس اسلم على هالعجز وابوس رويساتهم
ويوم خلصت سلام راحت لامها :: يممممممممه بموت جوع سويتي عشا ولا بطلب
وهي اللي تحصل لها على قرصه حلوه بفخذها فركت جلدها فرك ههههههههههههه
وتقول لها :: ووووووووووجع يوجعتس هذا وقت عشا روحي صبي القهوه خليني افتك منتس
امل :: يااااربيه زيييييييين مدري متى بتشبعون من هالقهوه مو توني وانا فوق قهويتيهم؟؟ وش يبون بعد ==> والله حالة هالبنت ميؤس منها ههههههههههههه
راحت للحريم وخذت الفناجيل منهم وحطتها بالصينيه .. وصبت القهوه فيهم واحد واحد وحطت جنبهم القدوع وراحت لكل حرمه وقالت لها
يلا كل وحده تاخذ فنجانها مع تمره هديه خخخخخخخخخخخ
ولفت على امها وغمزت لها وقالت :: بالله يما مو كذا اسرع والله اني شيييييييي
وتقوم العجوز وتخزها ذيك الخزه من ورا البرقع وتقول لها :: الفنجان برد صبي واحد ثاني
وهي اللي تتحلطم وتقول :: يووووووه ياشين العجز لاقاموا يفقشون والله مابرد بس انتي تبين تتعبيني
وتاخذ بياله شاهي وتملاها قهوه لاخر شي ومدت للعجوز وقالت :: هاااااا خوذي هع هع من قدتس صبيت لتس ببياله واكثر منهم والله انتي حركاااات
امها ماسكه الفنجال وتضرب راسها وتقول :: لا والله اللي طار الرجال وماعاد فيه عرسان بيطقون بابنا
الحريم خذوا عفشوا وطلعوووووو
امل تسولف لامها :: يووووووه زين طلعوا .. صراحه ذي ام برقع ماحبيتها
يما والله اني جوعانه حرام عليتس تعذبيني ==> والله البنت موب وجه زواج ابددددددددددددددد
الام :: لاااااااااااتعلييييييييييق

وعلى كذا خلصت قصة امل الزاحفه
وزي ماقالت الام
طار العريس وبقت امولتنا عند اهلها تتهاوش مع علاوي

دمتـــــم

مشكوووووور والله يعطيك الف عافيه


على الطرح الرائع والعطاء المتميز


تحياتي لك

ههههههههههههههههههههه






يمــــ دروبي ــــك..

شكرآ اخي حمد المهيمزي

اشكر الجميع علي مرروهم وان شاء الله أعجبتهم القصه