شكى النيسان من تصاريف الاقدار

بسم الله الرحمن الرحيم

والصلاة والسلام على من لانبيه بعده

خلال تجوالي فالشبكه العنكبوتيه لفتتني قصيده قد تكون طريفة الا انها جميله بنفس الوقت وكأنها محاورة بين شخص وسيارته النيسان

اترككم مع القصيده لعل وعسى ان تنال عجابكم

شكى النيسان من تصاريف الاقدار ..... يـقــول سـواقــي جلـبـلـي مــضــرة

عامين ساكت لـه علـى المـرّ صبـار..... فـي كـل ديـره لــي عـلامـه وجــرّه

محسـبـك يـاسـواق بالـحـيـل جـبــار..... رقيتـبـي فــي كـــل حـــزمٍ وحـــره

وخاطرت في مشيك على سكة القار ..... ماتسـلـم الـجـرة تـــرى كـــل مـــره

قلـت انـت يافنـان مـن صـنـع كـفـار ..... مصنعـك فـي اليابـان نـعـرف مـقـره

ماغـيـر لاتكـثـر سوالـيـف واعــذار ..... تــرى الشـكـاوي مـاوراهـا مـســرّه

قال انت في ظهـري وبيديـك منظـار ..... جالس علـى مخمـل وصوتـك تجـرّه

وانـا احتـرق ياسـيـدي نـارفـي نــار ..... مكيـنـتـي فـــي خـدمـتـك مـسـتـمـرة

قلـت انـت يالنيسـان عثـره ومخسـار ..... خـزانـكـم صـبــح وعـشـيــا نــغــرّه

عسانـي اتـوفـق بقـرنـاس الاحــرار .... واشري سواكـم جيـب لجـل المكـرّة

وابيعكـم فـي السـوق باقـل الاسعـار ..... يمـكـن مــع غـيـري تـلاقــي مـبــرّه

واشري سوزوكي كل شغله بمقـدار ..... مــايـــصـــرف الــبــنــزيــن لله درّه

قـال انـت يبـن آدم مـخـادع وغــدار .....مضيـع المعـروف وهـرجـك مـغـرّه

ان بعتني تنـدم علـى خـس الاشـوار ..... و تـذكـر زمــان وكــل دربٍ تـمــرّه

وترى السزوكـي لـو يناسبـك بـوّار .....مايحتمـل فـي الخـط لـو زدت زَرّه

إلـى مشـا ظلـى ينطنـط كـمـا الـفـار ..... في الدرب يمشي بك كما مشـي ذرّه

وانا ترى يشهـد لـي الـدوج احفـار .....والقـنـفـذه والـبــرك بـحــره وبـــرّه

مشيـتـهـا بـامــرك ولانـــي بنـكّــار .....صـبـرت عالمـشـوار حـلـوه ومــرّه

واليـوم تنسانـي وتبـدي لــك انـظـار .....ياسـيـدي عالهـجـر نفـسـك مـصــره

قلـت العفـو ياموتـري كـيـف تنـهـار .... مـعـزتـك فـــي ظـامــري مسـتـقـرّه

زعّلتـنـي وانــا كـمـا هـبـة اعـصـار ..... والـنـفـس مـمــا جـالـهـا مـسـتـحـرّه

كني كما طيـر الخـلا فـوق الاوكـار ..... لامـسـى يـكـافـخ حـالـتـه مسـتـشـرّه

ماغيـر لاتزعـل تــرى الـكـون دوار ..... الله يـكـفـيـنــا عــقــابـــه وشـــــــرّه

ابشر بمـا يرضيـك فـي كـل ماصـار..... ابـعـتـرف يـامـوتـري لـــك واقـــرّه

وابشّرك في الخبت يقلـون مخضـار .....غــطــت نـبـاتـاتـه كـثـيـبـه وســــرّه

سحايـب الوسمـي سقتهـا بالامـطـار ..... بامر الكريم اضحت وهـي مزدهـرّه

هيـا سـوى نـاخـذ لـنـا فـيـه مـشـوار ..... بـعـد الـرضـى يـامـوتـري لاتـشــره

فقـال لــي مسـمـوح ياسـيـدي الـبـار ..... إعــداد ماتـمـشـي نـجــوم الـمـجـرّه

تـم الجـواب وكمّـلـت كــل الاخـبـار ..... فــي قـصـة النيـسـان والـلـي يفــرّه



(منقـــــــــــوول)

النيسان من جد خسااااااااارة اشكرك على اختيارك صقر الحره

صقر الحره يعطيك العافية ومشكوووووووووووووووووور على النقل المميز



تقبل مروري

خخخخخخخ
شيء غريب حديدهـ وتتكلم
يمكن أنها مو سيارة الي يتكلم معااهـ


خخخخخخخ
تحياتي لكـ
وشكراً

مشكوووووور والله يعطيك الف عافيه

روعـــــــه القصيـــــــده ..

اختياار جميل وراقيـ ..

الله يعطيك العافيــــــــه .. ع النقلـ
تحياتي لك

شكراااااا على مروركم العطر