يابشر تكفون حلو عن سمايا...

يابشر تكفون حلو عن سمايا
مايصيب الهرج لو الهرج صوبي
كم سكت لكم بما فيه الكفايه
اشتموني لو زعلتوا واشمتوا بي
عيبوني واتركوني في عمايه
واتركوا لي واحدٍ يرضى عيوبي
اتركوا لي واحدٍ يمسح شقايه
كل ماحط الزمن دوبه و دوبي
ذاك والله لا ذكرت انه ورايه
أشعر ان الكون كله وسط ثوبي
يكفي انه لو يسولف للمرايه
كنّ صوته يهمس لصورته ذوبي
كيف انا ما اذوب مادامه معايه
اسمعه واسهر معه لاخر ذنوبي
كل ما قال: السهر درب الغوايه
قلت: كله من عيونك هبّلوا بي
كل ماقال: الخطا ماهو خطايه
قلت له: قل للعيون السود توبي
ضيعتني واسأل الله الهدايه
وين اجيب العقل؟؟ اجيبه من جيوبي!
من يعرفك ما يدل العقل رايه
ياشروق العمر مدري يا غروبي
أذكر انك كنت لي مثل الهوايه
لو تروح ولو تجي يبقى شحوبي
بس مدري كيف صرت اليوم غايه
صرت اجي واروح مدري عن دروبي
يا بعد عمر الكتابة والقرايه
يا الشمالي يابو الملح الجنوبي
لا قريت اللي كتبته يا رجايه
رح وبلّغ ربعي اللي جننوبي
قل لهم يمكن يخلّون الوشايه
وان تمادوا خلّهم مهمها حكوا بي
انت خلك بس ف الدنيا عزايه
لا تفكر ف العواذل وانت صوبي
ادري انّه كل درب وله نهايه
بس انا باقي معك لاخر دروبي

ابيات للشاعر فهد المساعد راقت لي
تحياتي لكم

صح اللسان الشاعر

والف شكر لك همووووسه على الذوق الرفيع


تحياتي لك

أبيات رآآآئعه
وأشكركـ أختي همس على هذهـِ القصيدهـ
وتحياتي لكـِ فتقبليها بكُل ود..
\\
كُنتُ هُنا
...أسير الشوق...

عيبوني واتركوني في عمايه
واتركوا لي واحدٍ يرضى عيوبي

أكتفي بهذا

هموووسه

كوني بخيرا

شاعر الاحساس فهد المساعد ^
اشكرك همس على النقل"
تحيتي حب الغموض

يعطيكم الف عافية
اسعدني مروركم وانار متصفحي
تحياتي لكم

قصيده رائعه بما تحتويه الكلمه
راقت لي كثيراً
همس أهنيك على اذوق
شكراً لكـ


تحياتي وخالص تقديري وحترامي