بــــــــاب الســرائــــر

[poem=font="simplified arabic,6,black,bold,normal" bkcolor="white" bkimage="" border="outset,4,gray" type=1 line=0 align=center use=ex num="0,black""]
باب السرائر بيننا مفتوح=ماينقفل من دونك ودوني
عطني مطاليبي طرب ومزوح=وعطيك مطلوبك من عيوني
قلبي معك يا الصاحب المملوح=مهما عذلته فيك مفتوني
شلتك بعيني يالطيف الروح=ويالله عسى ماتخيب ظنوني
يابلسم المحزون والمجروح=لمسة يدينك تشفي طعوني
غيرك على بالي يجي ويروح=وانته معي ياكامل اللوني
اسم الغريبه طابعٍ بالروح=بألة طباعه طبع بفنوني
[/poem]

تقبلو تحياتي الشاعر/ عيد حيان الرشيدي

صح الله لسانك مليون ولايسدون

جزله من شاعر جزل

اتمنى الاسمترار على هذا النهج الجميل

لك ارق تحيه

الشاعر عيد صح لسانك على الابيات الرااااائع

مديرنا الكريم
صح بدنك ولاهنت شهادة اعتز فيها من شخصكم الكريم
ولك مني اجمل تحية وتقدير

اخي لافي بداي
صح بدنك وبيض الله وجهك ولاهنت
تقبل فائق تحياتي

شاعرنا المميز عيد حيان ابدعت وبيض الله وجهك

الشاعر الفذ : عيد حيياان المهيمزي
اتحفتنا حقيقه بهذه الابياات والقصيده المميزة ..
وليس بغريب عليك جزالة الشعر ..
اتمنى لك التوفيق ,, ودمت بحفظ الله .