زوجتي تفشي اسراري ..

خير مـاأبداء به كلامــــي أية من الذكـر الحكيم .. قال تعالى (يأيها الذين امنو لاتخونو الله والرسول وتخونو اماناتكم وانتم تعلمـــون) صدق الله العظيم .

قضيه اجتمـاعيه ليسـت بالجديده لن اتحدث عنهـا مطولآ ولكن اترككم مع هذا المشهد الحواري

وانتم (القـاضي والحكم )

(ابو محمد) طبعآ مجرد شخصيه( تمثيليه) من واقـع( خيالي) انسان واثق بزوجته وبأمانتها وحفظها لأسراره .

<< اليكم المشهد التمثيلي>> .

ابو محمد " تصدقين يا ام محمد اليوم جاني خويي سليمان ومتضايق وزعلان ومتنكد وعلمني انه صايرتن معه مشكله

ام محمد " ياساتــر وش صـاير ؟

ابو محمد " يقول انه متمشكـل مع زوجته وانها هجـت وتركـت له البيت

ام محمد " افآ و وش السبب ؟

ابو محمد " يقول انها تبي شغـاله وانه هو مـاهو قادر على استقدام شغاله وزعــلت وحالفتن انهـا ماترجع غير بـ شغاله .

ام محمد " هذا اللي بقـى علشانه ماجاب لها شغاله تهج وتخلي البيـت ؟

ابو محمد " حريم اخـر زمن .

.......

ابو محمد " يووووه السـاعه 1 ونص وانا مانمت ووراي دوام . لكن يالله تصبحين على خير .. وانتبهي السالفه اللي قلت لك لاحد يدري لها لين الله يسرها وتنحل مشكلتهم انشالله .
وعسـى الله يهدي سرهم .

ام محمد " ابشـــر يابو محمد لاتهتم ,, سرك في بيــــر .. نام وارتاح . يالله وانت من اهله انشالله .

........................................

في هذه الاثناء ( ام محمد ) تتجـه الى جهاز التليفون .

وتحاول تتصل على صديقتها

ام محمد " الوووووو

صديقتها " الوووو

طبعآ بعد اخبارك واخبار العيال وعلومكم

ام محمد " دريتي وش صـار تعرفين فلانـه مرت فلان اللي شفنها مدري وين .. < وكلام كثير علشان توصلها المعلومه .

دريتي انها هجـت وتركـت بيتها ,, يقولون تبي شغاله .
.................

وطبعآ علمتها بالسالفه كامله ... واغلقـت الخط

لا وقبل تغلقـه قالت امـانه لاحد يدري ترى علمني زوجي ويبي يذبحني لو درى اني قلت لأحد

(خافت من زوجها ولا خافت من الله )

...........

طبعآ صديقتها اغلقـت الخط ودقـت على وحده ثـانيه .

....

اليوم اللي بعده

والعالم كلها داريـه باللي حصــل .
...................

سليمـان " داخـل على ابو محمد وهو زعلان وماهو قادر يتكلم من الزعـل .

ابو محمد " ياهلا والله وين السلام ..هههههههه على الاقل قل صباح الخير .

سليمان " اي سلام واي صباح خير .. وانت خليت فيها خير اساسآ . ياخسارة الثقه والصداقه من.

.... << وكثر الكلام وزاد

ابو محمد " يارجال وش فيك ؟ وش صاير ؟ والله مدري وش تقــول انت ؟

سليمان " هالحين علمتك بمشكلتي مع زوجتي امس المغرب واليوم الصباح العالم كلها داريــه

..................................................

وتستمـر المشاهد والقصص التي ربما كانت اقل حده واكبرحده من المشهد اللي انا حاولت اقرب لكم المعلومه من خلاله .

طبعآ هذي شي قليل من المصيبـه العظمــى اللي لايخلو منها مجالس الرجال والنساء الا من رحم الله .

وهي افشاء مايحدث بين الازواج انفسهم .

قال الرسول صــلى الله عليه وسلم ( لعل رجل يقول مايفعله بأهله ولعـل امراءةٍ تخبر ماتفعله مع زوجها

فسكـت القوم ,,ولم يجيبو ..فقالت اسماء بنت يزيد ..اي والله يارسول الله ,انهن ليقلن وانهم ليفعلون ..قال .فلا تفعلو فإنما مثل ذالك مثل الشيطان لقي شيطانه في طريق فغشيها والناس ينظرون ) .

انا لا أضع اللوم على النساء وحدهن ولكن ايضآ هناك شرائح من الرجال عافنا الله واياكم لديهم هذا الطبع .. لا املك الا ان اقول ( لاحول ولاقوة الا بالله ) .

أخواني اخوأتي ... امامكم المشهد ولديكم ربما امثله من واقعكم .

لن اطــرح الاسئله ولن اقيدكم بأفكار ,, ربما لديكم ماهو افضــل .

وضعـت بين ايديكم موضوعـــي فلا تبخــلو بنقاشكم الجميــل .. ليكن نقاش خالي من التزيف .

عنوانه الاول الصراحـه وعنوانه الاوسط الاستفاده وعنوانه الاخير حرية الراي .

اختم قــولي هذا ايضآ

بخير الكلام ..

قال تعالى (هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ)

تحت رعايتي وحصريآ لمنتديات قبيلة المهيمزات

بقلمي اخوكم \ عوده الرشيدي

سليمان " اي سلام واي صباح خير .. وانت خليت فيها خير اساسآ ..


لاحول ولا قوة إلا بالله صحيح
الحين في عالم بالنساء كثيييير يحب السوالف
وتنتقل السالفة بسسرعة البرق
يعني مايحتاج حقوق النشر محفوظه الله يعافينا

وبصراحه للآسف في رجال نفس كذا بس أظنهم
نادرين مرررة بس النساء كثيرين شوي
والنساء معروف عنهم الثرثرة وكثرة الكلام

وتسلم اخوي عودة عالمجهود
وتحياتي لكـ
وتقبلها بكُل ود.

ما شاء الله ...
موضوع قيم .................

بارك الله فيكم ........................

إذا المرء أفشى سره بلسانه **** ولام عليه غيره فهو أحمق

إذا ضاق صدر المرء عن سر نفسه ** فصدر الذي يستودع السر أضيق



مشكور اخوي عودهـ على الموضوع القيم .

تقبل مروري .

ما شاء الله ...
موضوع قيم .................

بارك الله فيكم ........................

بصراحه شي يخوف وكثير من هنوعيه موجوده
بفشاء الاسرار ولاكن نقول ابعدها الله عنا 0
اخوي عوده يعطيك الف عافيه ومجهود مو مستغرب من
شخصك الكريم 0

الف شكر لك من انار متصفحي ووضع بصمته وخط بقلمه وعبر بعقله النير .

لهم مني كل التقدير والاحترام