يآآآآآآآآآآآآآآآآآآآآآآآآآآآآآآآآطول صبري عليه

يـــــــاطول صبري عليه ومطول المدّه
والنفـــس مــــــابين مــــأمورة ومنهية

الحــب والشــوق والضيقات والصدة
حـــطت على وجــهي المغبون ماريّه

احـــدٍ زها له سواد الخال في خده
واحــــــدٍ بخده من هموم الدهر كيه

يقفي به الشـــــك صوب اللوم ويرده
واذا رجــــع مـــالقى الا رسمــة أثاريّة

وتزيد بـــــه ضيقة العشــــاق وتهـــده
يبكي عـــلى حـــاجة مــــاهي بمبكية

يـــــزل واقـــول: يمكن مــــــاهو بـوده
غلطة ويمـــــكن على مـــــاقيل عفوية

حتى ولــــو قــــالها قاصد ومن جده
يشفع لحــــاضر غـــرامه زين مـــاضيه

اعشقه واشتـــاق لـــــه اهــواه واوده
ومـــن الغـــــــــلا نسبة الملـــيون فالمية

ألــــــد عيني لكن مـــــــاهيب منلده
هـــــو اول الحـــب في عيني وتـــــاليه

أغــــــر قلبي على النســــيان واحده
لاشـــك عيا من النســـيان مـــــوليه

عــــزي لحــــالٍ على فــــرقاه منحده
وعـــــزي لقلب الا من حــــل طاريه

يتوق توق الوحش في كف مــن هده
لاطـــــار مـــالد عينه صوب راعيه

ياشين فـــــــرقى اللذي تغليه وتوده
لاصــــــار حيي ولا تقدر على جيه

ياجعــــــــل ربي يصبرني على الشــــدة
يالين مــــــــا يجتمع غـــــــالي وغــــــاليّه

لــو طال صـــبري عليه وطالت المدة
يـاحيي شــوفه قبل لاامــــوت ياحييه

صح لسان شاعرها حمدان ومشكور على النقل والاختيار

صح لسانك ومشكور اخوي وتحياتي للجميع وتقبل مروري...