خلطات لذيذه للعصائر..~

[ موكا بالمارس ] ..




المقادير / ..
آيس كريم فانيلا .. ( انا غرفت 4 غرفات )
مارس ( انا حطيت 1 ممكن اللي يحب طعم المارس يكون واضح يحط 2 )
كريمة خفق ( نص كاس )
ملعقة نسكافيه ( اللي يبي طعمه واضح يحط ملعقة كبيره .. اللي يبيه خفيف يحط صغيره )
سكر بودره ( الكميه على حسب الشخص .. تزيد وتنقص حسب الحلاوة المطلوبة )
ومايحتاج نكثر لأن السكر اللي في الباقي ممكن يكفي ..,
ثلج ( حطيت تقريبا 6 حبات )
كراميل ( اللي يجي مع الكريم كراميل )

الطريقة / ..
اول شي نذوب النسكافيه والسكر في ماي دافي .. ( كمية الماي ربع كاس او اقل شوي )
ونخليه ..
نحط الثلج مع الآيس كريم بالخلاط ..
لما يصير الخليط متجانس ونحس الثلج راح فيها
بعدها نحط المارس والكريمة ..
مع ملاحظة / ان المارس يكون بدرجة حرارة الغرفة عشان ينخلط زين ..,
ونحط النسكافيه والسكر اللي ذوبناهم ..,
ونخلط ..

على ماينخلطون
نجيب كاس التقديم ..

ونحط فيه الكراميل بشكل خطوط مثل الصوره ..
ونصب اللي سويناه فيه ..
ونزينهم بكريمة مخفوقه + دارك شوكلت مبشور
ونقدمهم ..






وبالعافيه
[ موكا بارد ] ..





المقادير / ..
آيس كريم كاكاو ( غرفت 4 غرفات )
كريمة خفق ( نص كاس )
دارك شوكلت ( الكاكاو العادي مو البودرة .. حطيت تقريبا من 30 الى 20 جرام )
سكر بودرة ( الكميه حسب الرغبة )
ثلج ( الكميه حسب الرغبه )
ملعقة نسكافيه ( اللي يبي طعمه واضح يحط ملعقه كبيره .. اللي يبيه خفيف يحط صغيره )
كراميل ( اللي يجي بعلبة كريم كراميل )
,

الطريقه / ..
اول شي نذوب النسكافيه والسكر في ماي دافي .. ( كمية الماي ربع كاس أو اقل شوي )
ونخليه ..
بعدين نحط الثلج مع الآيس كريم بالخلاط ..
لين يصير مثل اللي قبل
بعدها نحط الشوكولاته والكريمة ..
ونحط النسكافيه والسكر اللي ذوبناهم ..,
ونخلط ..
على ماينخلطون
نجيب كاس التقديم ..
ونحط فيه الكراميل بشكل خطوط مثل الصورة ..
ونصب اللي سويناه فيه ..

ونزينهم مثل اللي قبل /
بكريمة مخفوقه + دارك شوكلت مبشور

ونقدمهم ..




[ strawberry milkshake ]
يارب اني كاتبته صح ..





عاد هذا لا جديد فيه ..
ترددت احطه .. بس قلت زيادة عدد بما اني سويته ..

المقادير / ..
فراولة ( 6 الى 7 حبات )
آيس كريم فانيلا ( 3 مغرفات ) .. _ مره غرفات مره مغرفات مدري اش أسوي بعمري
رشة فانيلا
سكر بودره ( 3 ملاعق كبيره .. ممكن تزيدين وتقللين على كيفك )
كريمة خفق ( نص كاس )
ثلج ( المئدار اللي انتو عاوزينو ياقماعه بئه )

الطريقه / ..
نحذف الفراوله مع الثلج ونحط ملعقه كبيره من كريمة الخفق
ونخليهم ينخلطون لين توبون ..
لاصارو منخلطين زين نضيف عليهك الباقي ..
ونقدمه ..
في اسهل منه.. ؟



ونلاحظ في الصورة الثانية ان فيه فراولة طافحة شوي بس عادي حركه ..
[ Special juice ]



المقادير / ..
حبة فاكهه من هالنوع



جح .. ( مقدار كاس مقطع ومصفى من الحبوب اللي داخله )
ملعقة عصير ليمون .. ( تبون يكون طعمه واضح شويه حطو كبيره تبونه خفيف حطو صغيره )
سكر .. ( الكميه حسب الرغبة )
ثلج .. ( الكميه حسب الرغبة )
ملعقة حليب بودرة _ اختياري _

الطريقه / ..
نحط الثلج مع الجح والفاكهه اللي مدري اش اسمها
ونخلطهم ..
بعدين نحاول نذوب السكر مع الليمون وشوية ماي ..
ونضيفها للباقي بالخلاط ..

ولا انخلطو ..
نقدمهم ,




[ سلاش ]







المقادير / ..
جح ( مقطع وشايلين منه الحبوب اللي فيه .. مقدار كاسين )
سفن اب ( نص كاس )
سكر _ اختياري _ انا ماحطيت .. بس اللي يحب يحط عادي
ثلج ( الكميه اللي تبونها .. )
ملعقة كبيره عصير ليمون ..
,

الطريقة / ..
بالخلاط نحط الثلج والجح ..
وهاتك ياخلط ..
بعدين نضيف السفن اب والليمون ..,
ونقدمه ..

[ Summer Juice ]





,

المقادير / ..
ملعقة صغيره حليب بودره ..
جح ( مقدار كاس ونص تقريبا .. مخلي من الحبوب ومقطع )
عصير رمان طازج ( نص كاس )
سفن اب ( نص كاس )
ثلج ( الكميه اللي تبونها .. )
,

الطريقه / ..
نحط الثلج مع الجح ..
لين ينخلطون زين
عقبها نحط عصير الرمان ..
والسفن اب والليمون
ونخلطهم
ونقدمه ..,

ملاحظه / ..
عصير الرمان الأفضل يكون طازج ومن نوعية زينه ..
بعض المحلات يكون فيه طعم مر ومو حلو .. وبعضها الحبوب اللي فيه ماتكون مخلوطة زين للأسف ..

,

بالنهايه / ..
مجرد أفكار بسيطة أتمنى تعجبكم ..
المقادير ممكن تزيدون وتنقصون فيها لين توصولون للطعم اللي يعجبكم ..

وأتمنى يعجبكم الموضوع

يمي يمي ........... روووعه.............. يسلمووو الايادي دنووونتي..........ابي منه اوووكيك..........

قدامي المطبخ (^_^)

بصراحه كلكـ ذووووووووق
وروووووعه الي شفتة بالصور
ماشاء الله عليكـ
يسلموو اختي



ابيكـ تسوين لي ذا العصصير هههههههههههههههههههه
اذا ماعندكـ مانع

وانا بعد ابي منه هههههههههههههههه
مشكله مرررررره لزيز
يعطيك الف عافيه يارب..

مشكووووووره والله يعطيك الف عافيه



على المجهود الرائع والمتميز


تحياتي

طيب صلحم لنل وهاتو لنا بالمنتدى


يعطيك العافية