عبدالله رجاء العنزي هذا الزمن ماضن يعرف حموله

(منقولها)

استوقفتني ابيات رائعه لشاعر عبدالله رجاء العنزي عندما قراائتها في احدى المنتديات

يتكلم عن واقع هذا الزمن االذي نعيشه

منها يقول
لوكنت من وايل كعام المعادين
هذا الزمن ماض(ن) يعرف حموله



واليكم القصيده




سألتني وتقول ياهيه من وين
وبجاوبك من دون رد العموله
يابنت انا من قوم ناس(ن)عزيزين
ناس(ن) مضت بالنصر صوله وجوله
يوم انها في سيف شلفا وسكين
حنا لها بافعال عز وبطوله
عيال وايل ذروت المجد باقين
شالو ثقيل الحمل يوم ارتكوله
كم خلد التاريخ فعل الشجيعين
ذاك الشجاع عقاب خلد فعوله
والسالفه يابنت واحد من اثنين
من جورها من هولها ياخجوله
هذا زمان اللي رصيده ملايين
في وقت مايرحم ولابه سهوله
لوكنت من وايل كعام المعادين
هذا الزمن ماض(ن) يعرف حموله
من كان ماله مال ماله عناوين
اقولها والحق لازم نقوله
الله خلقني كايناً كان من طين
طيب وطيبي ينتمي له رجوله
يابنت انا مليت فعل الرديين
والطيب ماله باب سكر اقفوله
ياواهج الخدين ياواسع العين
انا الذي يمناه ماهي مغلوله
حاولت اقابل بالزعامه سلاطين
لكن حسافه من تهاوت حلوله
الواسطه يابنت نجوت غريقين
وانا الغريق بعرض بحره وطوله
انا الذي والدمع سايل من سنين
حزن والم وعيون ياهي مغسوله
الحظ خايب والقرابه بعيدين
ويلعنك ياحض(ن) تزايد ميوله
لامن تجاره تلهي النفس وتعين
ولامن رصيداً تشتهر به فعوله
عجزت اميز بين سالم ونسرين
بين النسا واشباه بعض الرجوله
شفت العجب راوي من القبح والشين
خلق(ن) يصنف من حضاره جهوله
يالترف وقتي مايبي له مساكين
يبغى له ارجال(ن) تسجل بطوله
اما حياة الذيب ضمن السعيدين
والاحياة الفقر تمضي فصوله
هذي خلاصه والخلاصه براهين
سجلتها والحرف ينزف هطوله

اقولها والحق لازم نقوله
صح لسان الشاعرعبدالله العنزي
ومشكورعلى النقل اب عايض

صح لسان الشاعر عبدالله العنزي
ومشكور اب عايض

مشكوووووور والله يعطيك الف عافيه